Masallıda cüdo idman növü üzrə rayon birinciliyi
13-14 avqust 2015-ci il tarixlərdə Masallı şəhər 2 saylı tam orta məktəbin idman zalında Masallı rayon Gənclər və İdman İdarəsinin təşkilatçılığı ilə kiçik yaşlı uşaqlar və yeniyetmələr arasında cüdo idman növü üzrə rayon birinciliyi keçirilmişdir.
11 çəki dərəcəsində 78 nəfər kiçik yaşlı uşaqlar və yeniyetmə idmançıların iştrakı ilə keçirilən yarışın məqsədi rayonda cüdo idman növünü inkişaf etdirmək, perspektivli idmançıları aşkar etmək olub. Olduqca gərgin və maraqlı mübarizə şəraitində keçirilən yarışda; Fətullayev Elmin (27 kq), Quliyev Heydərəli (30 kq), Fərəcov Azər (34 kq), Camalov Amar (38 kq), Manafov Sadiq ( 42 kq) , Musalı Hətəm ( 46 kq) , Əhmədov Hakim ( 50 kq) , Abıyev Ruslan (55 kq), Kərimov Ziya (60 kq), Cəfərov Sənan ( 66 kq), Qarayev Nazim ağır çəki dərəcəsində birinci yerlərə layiq görülmüşlər. Qalib gəlmiş idmançılar Masallı rayon Gənclər və İdman İdarəsi tərəfindən diplom və medallarla təltif edilmişdir.
