Masallıda yeniyetmə və gənclər arasında “Səndə zərərli vərdişlərin qurbanı olma” devzi altında maarifləndirici seminar keçirilmişdir
13-14 avqust 2015-ci il tarixlərdə Masallı rayon Gənclər və İdman İdarəsinin təşkilatçılığı ilə Gənclər Mərkəzində yeniyetmə və gənclər arasında “Səndə zərərli vərdişlərin qurbanı olma” devzi altında maarifləndirici seminar keçirilmişdir.
Tədbiri giriş sözü ilə açan Masallı rayon Gənclər və İdman İdarəsinin rəisi Camal Manafov çıxış edərək gənclərimizə qarşıda duran məsələlər barədə məlumat verərək bildirdi ki, Əsasən yeniyetmə çağlardan başlayan, gənclikdə daha da intensiv istifadə edilən, ahıl yaşlarında isə fəsadları daha aydın nəzərə çarpan bir bəlanın acısını dünya uzun illərdir yaşamaqdadır. Narkotik maddələrdən, spirtli içkilərdən, tütün məmulatlarından, toksiki (zəhərli) maddələrdən asılılıq zərərli vərdişlər kimi xarakterizə olunur. “Zərərli” ona görə ki, bu maddələrin həm asılı fərdin orqanizminə, həm də bütövlükdə cəmiyyətə ziyanı vardır. “Vərdiş” ona görə ki, asılılıq çox möhkəm olur və ondan xilas olmaq çətin olur. Lakin xilas olmaq çətin olsa da, onların istifadəsindən çəkinmək o qədər də çətin deyildir. Bunun üçün yeniyetmə və gənclər arasında zərərli vərdişlərin fəsadları haqqında düzgün təsəvvürlərin formalaşdırılmasına nail olmaq lazımdır.Gənclərdə yeniyetməlik dövründə zərərli vərdişlərə meyillənməyin səbəblərinin əsasında elə bu yaş dövrünün dayandığını bildirdi. Belə ki, bu yaş dövründə özünütəsdiqə, müstəqilliyə can atan yeniyetmələr özünü müхtəlif sahələrdə aktullaşdırmağa çalışır.Yeniyetmələr bir çoх işləri eyni anda sınaqdan keçirməyə çalışır. Bu baхımdan ilk baхışda zərərli vərdişlər də onlara cəlbedici görünə bilər. Zərərli vərdişlərin əksəriyyəti yeniyetmənin təfəkküründə böyüklük əlaməti kimi özünü göstərir. Bu risk qrupuna daхil olan uşaqlarla daima maarifləndirici tədbirlərin keçirilməsinin vacib olduğunu bir daha nəzərə çatdırdı.
Tədbirdə Masallı rayon Gənclər və İdman İdarəsinin baş məsləhətçisi Şaban Əliyev,fəal gənclərdən Cümşüd Müzəffərli, Azər İsayev və başqaları çıxş edərək bildirdilər ki, son vaxtlar gənclərin zərərli vərdişlərdən uzaqlaşdırılması istiqamətində çoxlu sayda tədbirlər görulür, lakin gəncləri bu bəladan qurtarmaq üçün təkcə onları məlumatlandırmaq kifayət etmir. Onların asudə vaxtlarının səmərəli təşkili, keyfiyyətli təhsillə təmin edilmələri, öz təşəbbüslərini gerçəkləşdirə biləcəyi mühitin formalaşdırılması və onlara xidmət göstərə biləcək strukturların yaranması vacibdir.
Tədbirdə Masallı rayon Gənclər və İdman İdarəsi tərəfindən mövzuya dair hazırlanmış bukletlər paylanılmışdır.
