Msallıda “12 avqust Beynılxalq Gənclər Günü” münasibətilə gənclərlə görüş keçirilmişdir

06 avqust 2015-ci il tarixdə Masallı rayon Gənclər və İdman İdarəsinin təşkilatçılığı ilə  Gənclər Mərkəzində “12 avqust Beynılxalq Gənclər Günü” münasibətilə gənclərlə görüş keçirilmişdir.
Tədbiri giriş sözü ilə Masallı Rayon Gənclər və İdman İdarəsinin rəisi  Camal Manafov  açaraq, bildirdi ki, Tarixən hər bir xalq özünün xoşbəxt gələcəyə olan ümidlərini ilk növbədə gənc nəslə bağlayır. Savadlı, geniş dünya görüşünə malik gənclərin yetişdirilməsi hər bir ölkə üçün başlıca bir məsələdir. Ölkəmizin  hərtərəfli uğurlu inkişafına hər bir gənc öz töhfəsini verməlidir. Gənc nəslin vətənpərvərlik, Vətənə sevgi ruhunda tərbiyə olunması xalqın rifahının, ölkənin çiçəklənməsinin rəhnidir. Bu gün iftixarla demək olar ki, müasir Azərbaycan gəncliyi milli-mənəvi dəyərlərini, doğma ana dilimizi, ata-babalardan qalan adət-ənənələrimizi göz bəbəyi kimi qoruyub yaşadır. Hər bir xalqın tarixində onun uğurlu gələcəyini quran şəxsiyyətlər var. Azərbaycan xalqı bu günü və sabahı üçün ulu öndərimiz Heydər Əliyevə borcludur. O, dəfələrlə qeyd edirdi ki, Azərbaycanın gələcəyi gənclərimizin əlindədir. Hər bir xalqın, hər bir dövlətin gəncləri onun həm bu günü, həm də sabaha ümididir. Bu gün ölkəmizdə gənclər siyasəti mahiyyət və keyfiyyətcə yeni mərhələsini yaşayır. Cənab Prezident İlham Əliyev Ulu Öndərin gənclər siyasətinə sadiqliyini öz qərarları ilə təsdiq edir. Gənclərin mənəvi inkişafı, vətənpərvərlik tərbiyəsi, xarici ölkələrdə təhsili, sosial müdafiəyə ehtiyacı olanların problemlərinin həlli istiqamətində görülən işlər, gənclər təşkilatlarının formalaşması və inkişafı üçün yaradılan şərait və imkan bu sahəyə böyük diqqətin nəticəsidir.
Tədbirdə Masallı Rayon Gənclər və İdman İdarəsinin gənclər sahəsi üzrə aparıcı məsləhətçisi Oktay Mütəllimov , rayonun fəal gənclərindən Qasim Heydərov, Mirmehdi Cavadov, Qoşqar Səmədov Rövşən Muxtarlı, Anar Nurullayev  və başqalarını çıxış edərək  bildirdilər ki, cənab Prezident İlham Əliyevin gənc kadrların irəli çəkilməsi ilə bağlı qarşıya qoyduğu vəzifənin reallaşmasının nəticəsidir ki, bu gün gənclər istənilən sahədə onlara göstərilən etimadı layiqincə doğrultmağa çalışırlar. Bu yüksək münasibətə cavab olaraq Azərbaycanın parlaq gələcəyinin təminatçısı olan gənclər bütöv və müstəqil Azərbaycan naminə bütün güclərini səfərbər edir, Vətənin inkişafı üçün səylə çalışır, öz siyasətində onlara arxalanan cənab Prezident İlham Əliyevin uğurlu daxili və xarici siyasətini dəstəkləyirlərvə bundan sonra da dəstəkləyəcəklər.
Tədbirin sonunda bir qrup fəal gəncə Masallı rayon Gənclər və İdman İdarəsi tərəfindən qiymətli hədiyyələr verildi