Şer müsabiqəsinə yekun vuruldu
Masallı Gənclər Evinin təşkilatçılığı ilə keçirilmiş Nizami Gəncəvinin həyat və yaradıcılığının təbliğ olunması , istedadlı , yaradıcı gəncləri üzə çıxarmaq məqsədi ilə dünya ədəbiyyatının görkəmli nümayəndəsi, dahi Azərbaycan şairi və mütəfəkkiri Nizami Gəncəvinin 880 illik yubileyinə həsr olunmuş onlayn şeir müsabiqəsinə yekun vuruldu.
Müsabiqənin yekun nəticəsinə əsasən 9-11 yaş qrupu üzrə I yerə Eyvazova Mələk Fəxrəddin qızı, II yerə Abbasova Fatimə Elgün qızı, III yerə Əkbərova Şeyda Şahin qızı, 12-14 yaş qrupu üzrə I yerə Əsədullayeva Amalya Nəsib qızı, II yerə Abdulla Fidan Vüsal qızı , III yerə İmanova Diana İlham qızı layiq görüldülər.
Dahi Azərbaycan şairi və mütəfəkkiri Nizami Gəncəvinin 880 illik yubileyinə həsr olunmuş onlayn şeir müsabiqəsinin qalibləri Masallı Gənclər Evi tərəfindən diplomlarla mükafatlandırıldı.
