“Tarixi şəxsiyyət, əbədiyaşar lider” mövzusunda onlayn görüş

Yeni Azərbaycan Partiyasının qurucusu və memarı Ümummilli lider Heydər Əliyevin anadan olmasının 98 illiyi münasibəti ilə YAP Masallı rayon təşkilatının fəal qadınları “Tarixi şəxsiyyət, əbədiyaşar lider” mövzusunda onlayn görüş keçirmişdir.

Onlayn görüşü giriş sözü ilə YAP Masallı rayon təşkilatının şura üzvü Gülşən Xəlilova açmış, türk dünyasının böyük oğlu, ümummilli liderimiz, Ulu öndər Heydər Əliyevin eləcədə Vətən müharibəsində Şəhid olanların əziz xatirəsi 1 dəqiqəlik sükutla yad edilmişdir.
Gülşən Xəlilova çıxışında bildirdi ki, Yeni Azərbaycan tarixinin görkəmli siması olan Heydər Əliyev xalqımızın qəlbində özünə abidə qurmuş şəxsiyyətdir. Azərbaycan yeni tarixi məhz Ulu Öndərin liderliyi və müəllifliyi ilə yaranıb.Bu dahi şəxsiyyət dövlət idarəçiliyinin hər bir mərhələsində vətəninə,xalqına sonsuz məhəbbət və sədaqət hissi ilə yanaşıb,milli ideallara daxilən bağlı olub.Umummilli lider unikal bir siyasi məktəbin,mükəmməl dövlətçilik və idarəçilik sisteminin banisi,milli inkişafı şərtləndirən ideoloji-siyasi irsin müəllifi kimi əbədiyaşarlıq qazanıb.
Sonra R.Tağıyev adına Masallı Tarix Diyarşünaslıq museyinin direktoru Əntiqə Tağıyeva, YAP Masallı rayon təşkilatının şura üzvü Sevil Əsgərova, Yolağac kənd tam orta məktəbin direktoru Sevil Ağammədova,Həsənli kənd uşaq bağçasınln müdiri Nazilə Hüseynova,Şəhər 2 saylı tam orta məktıbin direktoru Mehriban Əzizova çıxış etmişlər.