Masallıda Taekvando idman növü üzrə açıq rayon turniri
12-13 avqust 2015- ci il tarixlərdə Masallı rayon Gənclər və İdman İdarəsinin təşkilatçılığı ilə Masallı Taekvando Mərkəzində Milli qəhrəmanlarımızın və Qarabağ şəhidlərinin əziz xatirəsinə həsr olunmuş yeniyetmə və gənclər arasında taekvando idman növü üzrə açıq rayon turniri keçirilmişdir .
Yarışın əsas məqsədi idmançıların fiziki sağlamlığının artırılması, onların mənəvi-əxlaqi tərbiyəsinin gücləndirilməsi, vətənpərvərlik ruhunda tərbiyə olunması, dostluq əlaqələrinin təbliği, idmanın kütləviliyinə nail olmaq, idmanın taekvando növünün inkişaf etdirilməsi və rayonda taekvando idman növünün geniş təbliğ etdirilməsi, yeniyetmə və gənclərin bu idman növünə marağın artırılması və taekvando idman növünün inkişaf etdirilməsi olmuşdur.
Keçirilən turnirdə 11 çəki dərəcəsində olan idmançılar öz güclərini sınamışlar. İki gün davam edən yarışda qalib gəlmiş idmançılar Masallı rayon Gənclər və İdman İdarəsi tərəfindən diploma və qiymətli hədiyyələrlə mükafatlandırılmışdırlar.
Yarışda 60 nəfər idmançı iştrak etmişdir
