Masallıda koronavirus infeksiyasına qarşı mübarizə tədbirləri
1. 10 may 2021-ci il tarixdə GEM və rayon Dezinfeksiya Stansiyası tərəfindən Rayon Mərkəzi Xəstəxanası, Mərkəzi Poçt, 5 bankın qarşısı, 9 terminal, 14 bankomat dezinfeksiya olunmuşdur. Hal-hazırda dezinfeksiya işləri davam etdirilir.
2. 10 may 2021-ci il tarixdə Masallı rayonu üzrə 445 nəfər vətəndaş peyvənd olunmuşdur. Masallı rayonu üzrə ümumilikdə 46500 nəfər COVİD-19 infeksiyasına qarşı peyvənd olunmuşdur ki, onlardan 9664 nəfəri 65 yaşdan yuxarı, 25320 nəfəri 50-65 yaş arası, 8413 nəfəri 40-50 yaş arası və 3103 nəfəri isə 40 yaşadək olan şəxslərdir. Hazırda Masallı rayonu üzrə əhalinin vaksinləşməsi davam etdirilir.
3. Sərtləşdirilmiş xüsusi karantin rejimi dövründə rayon İcra hakimiyyəti Başçısının tapşırığına əsasən Masallı şəhərində 80 nəfərdən ibarət 20 mobil qrup (RİH, Polis şöbəsi, YAP Masallı rayon təşkilatı, Heydər Əliyev Mərkəzi, Təhsil şöbəsi, Gənclər və İdman idarəsi, “Gənclər evi” sosial xidmət mərkəzi, Gənclərin İnkişaf və Kariyera Mərkəzi və gənc könüllülərin iştirakı ilə) yaradılmışdır.
10 may 2021-ci il tarixdə 1133 nəfərlə görüşülmüş və onlardan 242 nəfərin maskasız olması müəyyən edilmişdir.
4. Sərtləşdirilmiş xüsusi karantin rejimi dövründə rayon İcra hakimiyyəti Başçısının tapşırığı ilə rayonun 2 qəsəbə və 100 kəndində 368 nəfərdən ibarət 92 mobil qrup yaradılmışdır.
10 may 2021-ci il tarixdə qəsəbə və kəndlərdə yaradılmış mobil qruplar tərəfindən 1948 nəfərlə görüşülmüş, onlardan 232 nəfərin maskasız olması müəyyən olunmuş və onlarla maarifləndirici söhbətlər aparılmışdır.
5. 10 may 2021-ci il tarixdə rayon üzrə ümumilikdə 448 nəfərdən ibarət 112 mobil qrup tərəfindən 3081 nəfərlə görüşülmüş və 474 nəfərin maskasız olması müəyyən olunmuşdur.
6. 10 may 2021-ci il tarixində Masallı rayon İcra hakimiyyəti başçısının müavini, şöbə müdirləri, rayon Polis şöbəsinin bölmə və sahə rəislərinin birgə iştirakı ilə rayon ərazisində fəaliyyət göstərən ictimai iaşə və ticarət obyektlərində koronavirusla bağlı reyd keçirilmişdir. Reyd zamanı karantin rejimi qaydalarını pozan 1 nəfər rayon sakini 100 manat məbləğində cərimə olunmuşdur.
