“Qəhrəmanlarımızı tanıyaq və tanıdaq” vətənpərvərlik mövzusunda “Rəsm”müsabiqəsi

Masallıda “Qəhrəmanlarımızı tanıyaq və tanıdaq” vətənpərvərlik mövzusunda “Rəsm”müsabiqəsi keçirilmişdir.

20 May 2021-ci il tarixdə Masallı rayon Gənclər və İdman İdarəsinin və Təhsil şöbəsinin birgə təşkilatçılığı ilə koronavirus(COVİD-19) Pandemiyasına qarşı əsas müdafiə tədbirlərini nəzərə alaraq Gənclər evi” sosial Xidmət müəssisəsində Azərbaycan tarixində müstəsna xidmətləri olmuş şəxsiyyətlərin, Vətən müharibəsi dövründə Azərbaycanın ərazi bütövlüyü uğrunda şücaət göstərmiş döyüşçülərin, o cümlədən Milli Qəhrəmanların gənclər arasında tanıdılması ilə bağlı “Qəhrəmanlarımızı tanıyaq və tanıdaq” vətənpərvərlik mövzusunda “Rəsm” müsabiqəsi keçirilmişdir.

Tədbirin mükafatlandırma mərasimində çıxış edən Masallı rayon Gənclər və İdman İdarəsinin rəisi Camal Manafov çıxış edərək tədirin keçirilməsində əsas məqsədin Azərbaycan tarixində müstəsna xidmətləri olmuş şəxsiyyətlərin və 44 günlük Vətən müharibəsində qəhrəmanlıq göstərərək şanlı tarix yazan igid oğullarımızın gənclər arasında tanıdılması və gənclərdə vətənpərvərlik hissinin aşılanmasından ibarət olduğunu vurğulayaraq, müsabiqədə qalib gəlmiş gənclərimizi təbrik etmiş və onlara gələcəkdə vətənpərvər bir şəxsiyyət kimi formalaşmaqlarını arzulamışdır.

Mükafatlandırma mərasimində Masallı rayon Təhsil şöbəsinin metodisto Əkbər Mahmudov, Ə.Bağırov adına Ərkivan qəsəbə 4 saylı tam orta məktəbin direktoru Məmmədağa Sadıqov çıxış edərək qalibləri təbrik etmiş onlara uğurlar arzulamışlar.

Müsabiqəsinin yekun nəticəsinə əsasən:

Masallı rayon S.Vurğun adına Türkoba kənd tam orta məktəbinin IX sinif şagirdi Ağayeva İlahə Şöhlət qızı birici yerə, Qəzvinoba kənd ümumi orta məktəbinin IX sinif şagirdi Abbasova Sevgül Zöhrab qızı ikinci yerə, Masallı rayon Ə.Bağırov adına Ərkivan qəsəbə 4 saylı tam orta məktəbinin VIII sinif şagirdi Hüseynova Zeynəb Natiq qızı üçüncü yerə layiq görülşlər. Masallı rayon Ə.Mirzəyev adına Qızılavar kənd tam orta məktəbin VIII sinif şagirdi Məmmədova Həcər Şahin qızı, Masallı şəhər 2 saylı tam orta məktəbin VI sinif şagirdi Babayeva Fatimə Rafiq qızı fərqlənmə diplomları ilə mükafatlandırılmışdır.

Qaliblər Masallı rayon Gənclər və İdman İdarəsi tərəfindən diplom və medallarla,Təhsil şöbəsi tərəfində isə diplomlarla mükafatlandırılıb.