Masallının təhsil işçiləri şəhid ailələri və qaziləri ziyarət etdi
27 may 2021 | 16:00
27.05.2021-ci il tarixdə Masallı Rayon Təhsil Şöbəsinin müdiri Tariyel Əkbərov və Masallı rayon Təhsil İşçiləri Azad Həmkarlar Təşkilatının sədri Səfail Eyvazov Azərbaycanın müstəqilliyi və ərazi bütövlüyü uğrunda mübarizədə canlarından keçən şəhidlərin ailələrini və qazi ailələrini ziyarət etmişlər. Ziyarət zamanı qeyd olunub ki, vətən qarşısında borcunu yerinə yetirərək qəhrəmancasına şəhid olmuş övladların xatirəsi xalqımız tərəfindən daim əziz tutulur. I və II Qarabağ müharibəsi iştirakçıları, qazilər və şəhid ailələri dövlətimizin hərtərəfli diqqət və qayğısı ilə əhatə olunur. Ziyarət olunan şəhid ailələri və qazilər onlara göstərilən diqqət və qayğıya görə öz minnətdarlıqlarını bildirdilər.
Keçidlər
