Masallıda “Breyn rinq” İntellektul bilik yarışı üzrə rayon birinciliyi

Masallıda “Breyn rinq” İntellektul bilik yarışı üzrə rayon birinciliyi keçirilmişdir.
            03 iyun 2021-ci il tarixdə Masallı rayon İcra Hakimiyyətinin, Gənclər və İdman İdarəsinin və Təhsil şöbəsinin birgə təşkilatçılığı ilə ASAN İntellektual İnkişaf Mərkəzində “Covid-19” pandemiyasına qarşı əsas müdafiə tədbirlərinə əməl etmək şərtilə, “Milli Qurtuluş Günü ”nə həsr olunmuş yeniyetmələr  arasında “Breyn rinq” intellektual bilik yarışı üzrə rayon birinciliyi keçirilmişdir.
         Tədbiri giriş sözü ilə Masallı rayon Gənclər və İdman İdarəsinin rəisi Camal Manafov açaraq, 15 iyun–Milli Qurtuluş Günü münasibətilə iştirakçıları təbrik etmiş və  əsası Ümummilli Lider Heydər Əliyev tərəfindən qoyulmuş gənclər siyasəti haqqında geniş məlumatı diqqətə çatdıraraq, bildirmişdir ki, respublikamızda bütün sahələrdə olduğu kimi  gənclərlə iş sahəsində də kifayət qədər işlər görülmüş və xüsusən də gənclərin vətənpərvərlik sahəsinə böyük önəm verilmişdir. Bu gün artıq gənclərimiz beynəlxalq arenada yüksək nailiyyətlər qazanır, böyük uğurlara imza atır. Hazırda ölkəmizdə Ulu Öndərin siyasi kursunun ən layiqli davamçısı Azərbaycan Respublikasının Prezidenti cənab İlham Əliyev tərəfindən uğurla davam etdirilən gənclər siyasətinin  ölkəmizdə sürətlə inkişaf etdiyini qeyd edib.
        Tədbirdə Masallı rayon İcra Hakimiyyətinin başçının müavini, İctimai – siyasi və humanitar məsələlər şöbəsinin müdiri Aybəniz Qafarova çıxış edərək Milli Qurtuluş Gününün tarixi əhəmiyyətindən, müstəqil dövlətimizin qurulmasında və möhkəmlənməsində Ümummilli lider Heydər Əliyevin misilsiz xidmətlərindən danışaraq, bildirdi ki, bugünkü əmin-amanlıq, sabitlik, iqtisadi inkişaf üçün böyük fədakarlıqlar edən Ulu Öndər Heydər Əliyev  uzaqgörən və müdrik siyasəti ilə Azərbaycan xalqını o vaxtkı çətin vəziyyətdən  xilas etdi.Sonda bir daha iştrakçılara uğurlar arzuladı.
        Gərgin və maraqlı mübarizə şəraitində keçirilın bilik yarışının yekun nəticəsinə əsasən Bala Kolatan kənd tam orta məktəbinin “Bala Kolatan” komandası birinci yerə, Ə.Bəylərbəyov adına Xıl kənd tam orta məktəbinin “Xıl” komandası ikinci yerə, B.Məmmədov adına Böyük Xocavar kənd tam orta məktəbinin “Böyük Xocavar” komandası üçüncü yerə layiq görülmüşdür.Fərqləndiyinə görə isə Ə.İbadov adına Tüklə kənd tam orta məktəbinin  “Zəka” komandası diplomla mükafatlandırılıb.
    Yarışda  qalib gəlmiş   komandalar  Masallı rayon Gənclər və İdman İdarəsi və Təhsil şöbəsi tərəfindən hazırlanmış  kubok və diplomlarla  mükafatlandırılmışdırlar.