Masallı komandası respublika turnirinin zona yarışlarının qalibi

Masallı rayon komandası respublika turnirinin zona yarışlarının qalibi olmuşdur
          03-04 iyun 2021-ci il tarixlərdə Lənkəran Olimpiya İdman kompleksində Azərbaycan Respublikasının Gənclər və İdman Nazirliyinin, Azərbaycan Respublikası Təhsil Nazirliyinin , Milli Olimpiya komitəsinin və  Azərbaycan Respublikası Məktəb İdmanları Federasiyasının birgə təşkilatçılığı ilə  Vətən müharibəsi şəhidlərinin xatirəsinə həsr olunmuş yeniyetmələr arasında “Atletika” idman növü üzrə keçirilən respublika turnirinin zona yarışlarında Masallı rayon E.Ağayev adına Hişkədərə kənd  tam orta məktəbin komandası zona turnirinin qalibi olmuşdur
       Turnirin əsasnaməsinə uyğun olaraq zona yarışlarında I və II yeri tutan komandalar final mərhələsinə vəsiqə qazanıblar. Azərbaycan Respublikası Təhsil Nazirliyi, Azərbaycan Respublikası Gənclər və İdman Nazirliyi, Milli Olimpiya Komitəsi, Azərbaycan Respublikası Məktəb İdmanları Federasiyasının təşkilatçılığı ilə keçirilən yarışların zona mərhələsinin qaliblərinə diplomlar təqdim edilib.
Qeyd edək ki, turnirin keçirilməsində məqsəd şəhidlərimizin xatirəsini yad etmək, yeniyetmələr arasında vətənpərvərlik hissini gücləndirmək, şagirdləri sağlam həyat tərzinə istiqamətləndirmək, onların asudə vaxtının səmərəli təşkili, idmana olan marağının artırılması, ümumtəhsil məktəblərinin idman sahəsində sinifdənxaric və məktəbdənkənar fəaliyyətlərinin qiymətləndirilməsindən ibarətdir.
Turnir xüsusi karantin rejimi qaydalarına uyğun olaraq həyata keçirilib.