Masallı Rayon Mərkəzi Kitabxanasında incəsənət xadimi ilə görüş keçirilib
Masallı Rayon Mərkəzi Kitabxanasında respublikanın tanınmış gitara ustası, Əməkdar artist, həmyerlimiz, əslən Şərəfə kəndindən olan Nizami Mirzəyevlə görüş keçirilib.
Kitabxananın direktoru Əlhəddin Nəzərov görkəmli sənətkarı kitabxana əməkdaşlarına təqdim edib, onun sənətdə qazandığı böyük uğurlardan söhbət açıb .
Xalq artisti Zeynəb Xanlarovanın rəhbəri olduğu ansamblda uzun illər çalışmış ustad sənətkar respublikanın hüdudlarından kənarda iştirakçısı olduğu müxtəlif mədəniyyət tədbirləri ilə bağlı təəssüratlarını, həmçinin sənət karyerası ərzində bir sıra yaddaqalan hadisələr barədə xatirələrini kitabxana əməkdaşları ilə bölüşüb.
Qeyd edək ki, Masallı rayonunun ilk Əməkdar artist fəxri adına layiq görülmüş sənət adamı kitabxana ilə yaxından tanış olaraq, burada oxucular üçün yaradılan şəraitdən razı qaldığını bilidirib.
Əməkdar artist Nizami Mirzəyev görüşdən məmnun olduğunu bildirib.
Axırda Masallı Rayon Mərkəzi Kitabxanasının əməkdaşları ilə xatirə şəkilləri çəkilib.
