“Ən yaxşı təqdimat” müsabiqəsinin qalibi Qızılavar məktəblisidir
23 iyun 2021 | 16:00
Ulu öndər Heydər Əliyevin anadan olmasının 98-ci ildönümünə həsr olunmuş “Ən yaxşı təqdimat” müsabiqəsinin nəticələrinə əsasən, Masallı rayonu Qızılavar kənd Əfqan Mirzəyev adına tam orta məktəbin IX sinif şagirdi Lamiyə Elxan qızı Nəzərova Azərbaycan Respublikası Təhsil Nazirliyi tərəfindən tərifnamə ilə təltif edilmişdir.
Masallı Rayon İcra Hakimiyyətinin təsisçiliyi ilə nəşr olunan «Yeni həyat» qəzetinin əməkdaşı xəbər verir ki, Masallı Rayon Təhsil Şöbəsinin müdiri Tariyel Əkbərov pandemiya qaydalarına uyğun olaraq qalibi qəbul edib, tərifnaməni qalibə təqdim etmişdir.
T.Əkbərov qəbul zamanı “Ən yaxşı təqdimat” müsabiqəsində qalib gəlmiş Qızılavar məktəbinin şagirdi Lamiyə Nəzərovaya gələcək təhsilində uğurlar arzuladı.
Keçidlər
