Lənkəran Dövlət Universitetində olimpiada qaliblərinin mükafatlandırıldı
Lənkəran Dövlət Universitetində (LDU) olimpiada qaliblərinin mükafatlandırılma mərasimi keçirilib.
Keçirilən fənn olimpiadasında Astara, Lənkəran, Masallı, Lerik, Yardımlı, Cəlilabad, Neftçala rayonlarının orta ümumtəhsil məktəblərinin IX, X, XI sinif şagirdləri, LDU nəzdində Sosial və Aqrar-Texnoloji Kolleci, Astara Pedaqoji Kolleci və Masallı Dövlət Regional Kollecinin tələbələri daxil olmaqla, 300-ə yaxın namizəd onlayn qaydada iştirak edib.
Qeyd edək ki, olimpiadada Masallı rayonu ümumi təhsil müəssisələri üzrə Qızılağac kənd S.Xəlilov adına 1 saylı tam orta məktəbinin IX sinif şagirdi Həsənzadə Həsən Şahin oğlu coğrafiya fənni üzrə II yerə,həmin məktəbin XI sinif şagirdi Kazımlı İzzət Zeynal oğlu riyaziyyat fənni üzrə III yerə,Təzə Alvadı kənd E.Əhədov adına 1 saylı tam orta məktəbin IX sinif şagirdi Məhərrəmova Pərvin Tahir qızı isə biologiya fənni üzrə III yerə layiq görülmüşdür. Lənkəran Dövlət Universitetində olimpiada qalibləri ilə görüş keçirilmiş və universitetin rektoru Natiq İbrahimov qaliblərə universitetin diplom, kubok və qiymətli hədiyyələrini təqdim etmişdir.
Qaliblərimizi təbrik edir,onlara yeni uğurlar arzulayırıq!
