Masallı şəhərində Qəhrəmanlar Parkı yenidən qurulur
07 iyul 2021-ci il tarixdə Masallı RİH başçısı Şahin Məmmədov Qəhrəmanlar Parkında olmuş, ərazinin genişləndirilməsi sahəsində tapşırdığı işlərin icrasını yoxlamışdır.
Tikinti aparılacaq işlərin eskizləri icra başsına təqdim olunmuş, təkliflərini vermişdir.
Qeyd edək ki, Masallı şəhərində Vətən uğrunda mübarizədə canlarından keçən Vətən övladlarının xatirəsinə inşa edilən Qəhrəmanlar Parkı 10 may 2021-ci il tarixdə yenidən qurulub istifadəyə verilib. Həmin vaxtı rayon rəhbərinin təklifləri əsasında park-kompleksin sol və sağ hissəsində tikinti aparılması üçün lazımi işləri qaydaya salmağı tapşırmışdı. Artıq sənədləşmə işləri başa çatdırılmış, eskizlər hazırlanmışdır.
Masallı Rayon İcra Hakimiyyətinin təsisçiliyi ilə nəşr olunan «Yeni həyat» qəzetinin əməkdaşları xəbər verirlər ki, yaxın vaxtlarda Qəhrəmanlar Parkında, parkın girəcəyindəki sol və sağ tərəflərdə inşaat işlərinin aparılmasına başlanacaqdır.
Bu barədə RİH başçısına məlumat verilmişdir.
