Şəhid ailələrinə diqqət və qayğı
26 Avqust 2021-ci il tarixdə Masallı rayon İcra Hakimiyətinin başçısının müavini, İctimai-siyasi və humanitar məsələlər şöbəsinin müdiri Aybəniz Qafarova, İctimai-siyasi və humanitar məsələlər şöbəsinin baş məsləhətçisi Abbas Abbaszadə və Masallı Gənclər Evi SXM-nin direktoru Fuad Mənsimov Masallı rayon Köçəkli kəndində Qarabağ müharibəsində torpaqlarımızın işğaldan azad olunmasında qəhrəmancasına döyüşərək şəhidlik zirvəsinə yüksələn Abbasov İntiqam Yavər oğlunun ailəsini ziyarət etmişlər. Ziyarət zamanı baş gizir Abbasov İntiqam Yavər oğlunun keçdiyi şərəfli döyüş yolundan söhbət açılıb, ailənin qayğıları dinlənilib və bildirilib ki, Respublikamızın müstəqilliyi və Vətən qarşısında borcunu qəhrəmanlıqla yerinə yetirərək şəhid olmuş hərbiçilərimizin xatirəsi dövlətimiz tərəfindən daim əziz tutulur. Şəhidimizin ailəsi onlara göstərilən diqqət və qayğıya görə öz minnətdarlıqlarını bildirmişdilər.
