“Əsrin Müqaviləsi” və “Neftçilər Günü” ilə bağlı onlayn konfrans

20 Sentyabr 2021-ci il tarixində “Masallı Gənclər Evi”sosial xidmət müəssisəsi və “Masallı Rayon Gənclər və idman İdarəsi”nin birgə təşkilatçılığı ilə “Əsrin Müqaviləsi” və “Neftçilər Günü” ilə bağlı onlayn konfrans keçirilmişdir.

“Masallı Gənclər Evi” sosial xidmət müəssisəsinin metodisti Tural Sadıqov tədbirin rəsmi hissəsini giriş nitqi ilə açaraq iştirakçıları “Neftçilər günü” münasibətilə təbrik edib,peşə bayramının əhəmiyyətindən danışmışdır.Bu tarixin ulu öndər Heydər Əliyevin uzaqgörən siyasəti nəticəsində “Əsrin müqaviləsi”nin imzalanması ilə əlaqədar olduğu diqqətə çatdırılmışdır.

Daha sonra “Masallı Rayon Gənclər və idman İdarəsi”nin rəis müavini Oktay Mütəllim bildirmişdir ki,Əsası Ulu öndər Heydər Əliyev tərəfindən qoyulmuş və hazırda möhtərəm Prezidentimiz İlham Əliyev cənablarının rəhbərliyi altında uğurla davam etdirilən enerji strategiyasının ölkəmizə qazandırdığı uğurlardan,“Əsrin müqaviləsi”nin imzalanmasından ötən müddət ərzində görülən işlərdən söz açmış, bu müqavilənin ölkəmizin sosial-iqtisadi həyatındakı əhəmiyyətindən danışmış, neft-qaz sənayesində aparılan uğurlu islahatlardan, dövlət səviyyəsində neftçi əməyinə göstərilən yüksək diqqət və qayğıdan geniş söz açmışdır.