Milli Azərbaycan Tarixi Muzeyində "Vətən Müharibəsi Qəhrəmanı" İntiqam Əsgərliyə məxsus əşyalar
AMEA-nın Milli Azərbaycan Tarixi Muzeyində "Vətən Müharibəsi Qəhrəmanı" İntiqam Əsgərliyə məxsus əşyalar qorunur. AMEA-nın Milli Azərbaycan Tarixi Muzeyinin Vətən müharibəsi fondunda Vətən müharibəsinin şəhidi, "Vətən Müharibəsi Qəhrəmanı" İntiqam Əsgərliyə məxsus əşyalar qorunur.
Bu barədə Masallı Rayon İcra Hakimiyyətinin təsisçiliyi ilə nəşr olunan «Yeni həyat» qəzetinin əməkdaşına muzeydən məlumat verilib.
İntiqam Bayram oğlu Əsgərli 1990-cı ildə Masallı rayonunun Viləş kəndində anadan olub. O, 2011-ci ildə Quru Qoşunlarının Gizirlik kursunu bitirərək, 2014-cü ildə Xüsusi Təyinatlı Qüvvələrin giziri kimi xidmətə başlayıb.
2016-cı il aprelin 4-də Talış kəndi istiqamətində döyüş tapşırığını yerinə yetirərkən qardaşı Nurlan Əsgərli şəhid olub və İntiqam Əsgərli onun nəşini özü döyüş meydanından çıxarıb...
İntiqam Əsgərli Vətən müharibəsində, Şuşanın azadlığı uğrunda gedən döyüşlərdə böyük fədakarlıq, igidlik nümunəsi göstərib və şəhidlik zirvəsinə ucalıb.
