Masallıda Şahmat idman növü üzrə rayon birinciliyi
Masallıda Şahmat idman növü üzrə rayon birinciliyinə yekun vuruldu.
07-08 oktyabr 2021-ci il tarixlərdə Masallı rayon Gənclər və İdman İdarəsinin və Uşaq-Gənclər İdman Şahmat Məktəbinin birgə təşkilatçılığı ilə Uşaq-Gənclər İdman Şahmat Məktəbinində, torpaqlarımızın azadlığı uğrunda öz canlarından keçərək şəhidlik zirvəsinə ucalan qəhrəmanlarımızın əziz xatirəsinə həsr olunmuş , məktəblər arasında Şahmat idman növü üzrə rayon birinciliyi keçirilib
Koronavirus(COVİD-19) Pandemiyasına qarşı əsas müdafiə tədbirlərini nəzərə alaraq keçirilən, mükafatlandırma mərasimində Masallı rayon Gənclər və İdman İdarəsinin rəisi Sabiq Cahangirov və Uşaq-Gənclər İdman Şahmat Məktəbinin direktoru çıxış edərək rayon birinciliyinin keçirilməsində əsas məqsədin Vətən uğrunda öz canlarını fəda etmiş şəhidlərimizin xatirəsinin yad edilməsi, həmçinin məktəblilər arasında hərbi vətənpərvərlik ruhunun artırılması və məktəblilərin asudə vaxtlarının səmərəli təşkilindən ibarət olduğunu vurğuladılar.
Rayon birinciliyində qalib gəlmiş şahmatçılar Masallı rayon Gənclər və İdman İdarəsi tərəfindən diplomlarla mükafatlandırılmışdırlar
