Masallıda “Breyn rinq” bilik yarışı

04 noyabr 2021-ci il tarixdə “ASAN” İntellektual İnkişaf Mərkəzində Masallı rayon Gənclər və İdman İdarəsinin və Təhsil şöbəsinin birgə təşkilatçılığı ilə “Zəfər Günü”nə həsr olunmuş Masallı rayon tam orta və ümumi orta ümumtəhsil məktəblərinin IX-X sinif şagirdləri arasında “Breyn rinq” intellektual bilik yarışı üzrə rayon birinciliyi keçirilib.

Tədbirdə əvvəlcə 44 günlük Vətən müharibəsində həlak olan şəhidlərin xatirəsi bir dəqiqəlik sükutla yad edilib.

Mükafatlandırılma mərasimində Masallı rayon Gənclər və İdman İdarəsinin rəisi Sabiq Cahangirov və Təhsil şöbəsinin metodisti Əkbər Mahmudov çıxış edərək Vətən müharibəsində Azərbaycanın parlaq Qələbəsinin tarixi əhəmiyyətindən danışaraq qeyd ediblər ki, bu yarışların keçirilməsi məktəblilərin bilik və bacarıqlarının artırılmasında mühüm rol oynayır.Sonda bir daha qalibləri təbrik edərək onlara gələcək həyatlarında uğurlar arzulamışlar.

Qeyd edək ki, rayon birinciliyində 17 məktəb komandası öz bilik və bacarıqını nümayiş etdirib.

Yarışın yekun nəticəsinə əsasən Banbaşı kənd C.Qasımov adına tam orta məktəbin komandası birinci yerə, Ərkivan qəsəbə C.Cabbarlı adına 1 saylı tam orta məktəbin komandası ikinci yerə, Xıl kənd Ə.Bəylərbəyov adına tam orta məktəbin komandası üçüncü yerə layıq görülmüşdür.

Rayon birinciliyində qalib gələn komandalar Masallı rayon Gənclər və İdman İdarəsi tərəfindən diplomlarla mükafatlandırılıb