Vətən Müharibəsi Qəhrəmanı Polkovnik-leytenant Ramiz Cəfərovun anım mərasimi
11 noyabr 2021-ci il tarixdə Şəhid, Vətən Müharibəsi Qəhrəmanı, Polkovnik-leytenant Ramiz Cəfərovun anım mərasimi keçirilmişdir.
Anım mərasimində Masallı rayonundan Masallı rayon İcra hakimiyyəti başçısının müavini, İctimai-siyasi və humanitar məsələlər şöbəsinin müdiri Aybəniz Qafarova, Masallı rayon İcra hakimiyyəti başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyev və Regional Hüquqi və İqtisadi Maarifləndirmə İctimai Birliyinin sədri Arzu Bağırova iştirak etmişdir.
İlk öncə Bakı şəhəri Yasamal rayonu II Şəhidlər xiyabanında Azərbaycan Respublikasının Dövlət Himni səsləndirildi. Sonra Azərbaycanın ərazi bütövlüyü uğrunda canından keçən şəhidlərin əziz xatyirəsi bir dəqiqəlik sükutla yad edildi.
Anım mərasimi Sumqayıt şəhər Saray qəsəbəsində mərasim zalında davam etdirildi. Mərasimdə şəhidin ailəsi, cəbhə yoldaşları və yaxınları çıxışlar edərək Vətən Müharibəsi Qəhrəmanı, Polkovnik-leytenant Ramiz Cəfərovun sücaətindən bəhs etdilər.
Tədbirin yekununda körpə fidanlar və məktəblilərin ifasında vətənpərvərlik mövzusunda müxtəlif şerlər səsləndirildi.
