Şəhid Məmmədağa Bağırov – 24
02 dekabr 2021-ci il tarixdə Masallı rayon Xoşçobanlı kəndində Vətən Müharibəsi şəhidi Məmmədağa Həsənağa oğlu Bağırovun doğum gününə həsr olunmuş tədbir keçirildi.
Tədbirdə Masallı rayon İcra hakimiyyəti başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyev, Masallı rayon İcra hakimiyyəti başçısının Təklə kənd inzibati ərazi dairəsi üzrə nümayəndəsi Tural Bəşirov, Azərbaycan Qarabağ Müharibəsi Əlilləri, Veteranları və Şəhid ailələri ictimai birliyinin Masallı rayon filialının sədri Nahid Rəhimov, ağsaqqallar, şəhid ailələri, ziyalılar və məktəblilər iştirak etmişdir.
İlk öncə tədbir iştirakçıları Azərbaycanın ərazi bütövlüyü uğrunda canından keçən qəhrəman şəhidləri bir dəqiqəlik sükutla yad etdilər. Sonra tədbir iştirakçıları şəhid Məmmədağa Bağırovun ailəsi ilə xatirələrini bölüşdülər.
Tədbir şəhidin məzarını ziyarət, məktəblilər vətənpərvərlik mövzularında şerlər deməsi və şəhidlərin ruhuna duaların oxunması ilə yekunlaşdı.
