Şəhid Cavad İbadov – 24
10 dekabr 2021-ci il tarixdə Masallı şəhərində Vətən Müharibəsi şəhidi Cavad Cabir oğlu İbadovun doğum gününə həsr olunmuş tədbir keçirildi.
Tədbirdə Masallı rayon İcra hakimiyyəti başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin böyük məsləhətçisi Nurlan Muradov, Masallı rayon İcra hakimiyyəti başçısının Masallı şəhər inzibati ərazi dairəsi üzrə nümayəndəsi Əbülfəz Nuriyev, ağsaqqallar, şəhid ailələri, ziyalılar və məktəblilər iştirak etmişdir.
İlk öncə tədbir iştirakçıları Azərbaycanın ərazi bütövlüyü uğrunda canından keçən qəhrəman şəhidləri bir dəqiqəlik sükutla yad etdilər. Sonra tədbir iştirakçıları şəhid Cavad İbadovun ailəsi ilə xatirələrini bölüşdülər.
Tədbir şəhidin məzarını ziyarət, məktəblilər vətənpərvərlik mövzularında şerlər deməsi və şəhidlərin ruhuna duaların oxunması ilə yekunlaşdı.
