Qılıncoynatma federasiyasının baş məşqçisi Masallıda
16 dekabr 2021-ci il tarixdə Azərbaycan əlil arabasında qılıncoynatma federasiyasının baş məşqçisi Asəf Adil oğlu Məlikov və Qılıncoynatma idman növü üzrə idmançı Abdullayev Abdulbağı Səlamət oğlu Masallı rayonunda səfərdə olmuşlar.
Səfər çərçivəsində idmançılar Vətən müharibəsi əlilləri ilə görüşmüş, onların vəziyyəti ilə maraqlanmış, əlil olmaqlarına baxmayaraq müxtəlif idman növləri ilə və o cümlədən qılıncoynatma idman növü ilə məşğul olmalarını təklif etmişdir.
Sonra qonaqlar Masallı rayon İcra hakimiyyəti başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyev ilə birlikdə Masallı şəhərində “Qəhrəmanlar Parkı – Şəhidlər abidə kompleksi”ni ziyarət etmişlər, şəhidlərin əziz xatirəsini ehtiramla yad etmişlər və şəhidlərin ruhuna dualar oxumuşlar.
Sonda Masallı rayon İcra hakimiyyətinin başçısı Şahin Məmmədov Azərbaycan əlil arabasında qılıncoynatma federasiyasının baş məşqçisi Asəf Adil oğlu Məlikovu qəbul etmiş, qılıncoynatma idman növü ilə bağlı söhbətlər aparmış və müharibə əlillərinin bu idman növünə həvəslənirilmə təkliflərinə görə minnətdarlığını ifadə etmişdir.
