“Breyn rinq” intellektual bilik yarışı üzrə rayon birinciliyi

Masallıda “Breyn rinq” intelektual bilik yarışı üzrə rayon birinciliyi keçirilmişdir

21 dekabr 2021-ci il tarixdə “ASAN” İntellektual İnkişaf Mərkəzində Masallı rayon Gənclər və İdman İdarəsinin , Təhsil şöbəsinin və “Masallı Gənclər evi” sosial xidmət müəssisəsinin birgə təşkilatçılığı ilə 31 dekabr “Dünya Azərbaycanlılarının Həmrəyliyi Günü” münasibəti ilə gənclər arasında “Breyn rinq” intellektual bilik yarışı üzrə rayon birinciliyi keçirilmişdir.

Yarışın əsas məqsədi, Azərbaycan Respublikası Prezidenti cənab İlham Əliyevin 15 sentyabr 2017-ci il tarixli sərancamı ilə təsdiq edilmiş “Azərbaycan gəncliyi 2017-2021-ci illərdə” Dövlət Proqramının 5.1.4, 5.4.7 və 5.7.5.-ci bəndlərinin icrasını təmin etmək, yeniyetmə və gənclərin intellektual səviyyəsini, dünyagörüşünü, zehni inkişafını stimullaşdırmaq, asudə vaxtlarının səmərəli təşkili, Azərbaycanın milli-mənəvi dəyərləri və tarixi haqqında biliklərini nümayiş etdirmələrinə şərait yaratmaq olmuşdur.

15 komandanın iştrakı ilə keçirilən rayon birinciliyinin yekun nəticəsinə əsasən Gəyəçöl kənd N.Həsənov adına tam orta məktəbin komandası birinci yerə, Şəhər 5 saylı tam orta məktəbin komandası ikinci yerə, Şərəfə kənd Q.İsmayılov adına tam orta məktəbin komandası üçüncü yerə layiq görülmüşdür.

Yarışda qalib gəlmiş komandalar Masallı rayon Gənclər və İdman İdarəsi tərəfindən diplomlarla mükafatlandırılmışdır.