Masallı voleybolçuları I Liqa yarışlarına qələbə ilə başladı
26 dekabr 2021-ci il tarixdə kişi voleybolçular arasında 2021/2022-ci il mövsümü üzrə I liqa yarışlarına start verilib. Azərbaycan Voleybol Federasiyasının təşkilatçılığı ilə keçirilən yarışda Masallı rayonunu kişilərdən ibarət “Masallı” voleybol komandası təmsil edib.
I tur oyunları “Murov” voleybol klubunun idman zalında təşkil olunub.
Birincilikdə 10 klub “Həvəskarlar”, “Murov”, “Əlincə”, “Veteranlar”, “Ryuqa”, “Aura”, Taleh – A.T”, “Azərbaycan Ali Hərbi Məktəbi”, “Təhsil”, “Masallı” mübarizəyə qoşulub.
I liqanın açılış matçında “Masallı” komandası, “Ryuqa” komandasına tay-brekdə 3-2 hesabı ilə qalib gələrək 3 xal qazanıb.
Qeyd edək ki, I liqa yarışlarında komandalar 2 qrupda 2 dövrədən ibarət olmaqla mübarizə aparacaqlar. Ardınca I Liqanın pley-off mərhələsi keçiriləcək.
