Masallı şəhər 1 saylı tam orta məktəbində 20 yanvar şəhidləri anıldı

18 yanvar 2016-cı il tarixdə R. Əlihəsənov adına Masallı şəhər 1 saylı tam orta məktəbində 20 yanvar faciəsinin 26-cı ildönümü ilə əlaqədar anım mərasimi keçirilmişdir.
  İlk öncə tədbir iştirakçıları 20 yanvar şəhidlərinin xatirəsini bir dəqiqəlik sükutla yad etdilər.
Mərasimi R. Əlihəsənov adına Masallı şəhər 1 saylı tam orta məktəbin direktoru, “Əməkdar müəllim” Mirqabil Hüseynov açaraq Azərbaycan xalqının müstəqilliyinin əldə olunmasında 20 yanvar 1990-cı il hadisələrinin böyük rolunun olduğunu vurğuladı.
  Sonra R. Əlihəsənov adına Masallı şəhər 1 saylı tam orta məktəbinin müəllimi Mirsaqət kazımov məruzə ilə çıxış etdi.
  Mərasimdə iştirak edən Masallı rayon İcra hakimiyyəti başçısının Masallı şəhər inzaibti ərazi dairəsi üzrə nümayəndənin müvini Fərid Novruzov, Masallı rayon Təhsil şöbəsinin metodisti Ayyar Bürhanov, Masallı şəhər 1 saylı tam orta məktəbinin müəllimləri Səbirə Muxtarova, Gülnar İbrahimova və başqaları 20 yanvar hadisələrinin Azərbaycan xalqının qanlı və şanlı tarixi olduğunu mərasim iştirakçılarının nəzərinə çatdırdılar.
  Sonda R. Əlihəsənov adına Masallı şəhər 1 saylı tam orta məktəbin şagirdlərinin ifasında “Qanlı yanvar”a həsr olunmuş ədəbi-bədii kompozisiya təqdim edildi.