Masallıda 2 fevral - Gənclər günü

         01 fevral 2016-cı il tarixdə Nizami Gəncəvi adına Masallı şəhər Mədəniyyət evində Masallı rayon Gənclər və İdman İdarəsinin təşkilatçılığı ilə 2 fevral - Gənclər günü münasibətilə tədbir keçirilmişdir.
Gənclər gününə həsr olunmuş tədbir dövlət himninin səslənməsi ilə başlanılmışdır. Sonra 2 fevral Azərbaycan gənclərinin günü ilə bağlı videoçarx nümayiş olunmuşdur.
         Tədbiri giriş sözü ilə açan Masallı rayon Gənclər və İdman idarəsinin rəisi Camal Manafov məruzə ilə çıxış etmiş, bayram münasibətilə tədbir iştirakçılarını təbrik etmişdir.
          Natiq qeyd etmişdir ki, son zamanlar Masallıda gedən inkişaf, aparılan abadlıq və quruculuq işləri, gənclərimizin daha da yüksək nailiyyətlər qazanması bir nümunədir.
          Tədbirdə YAP Masallı Rayon Təşkilatı Gənclər Birliyinin sədri Məmmədhüseyn Hüseynov, rayon Regional Kollecin və Azərbaycan Tibb Universitetinin tələbələri Röyalə Hüseynova, Şəms İsazadə çıxış edərək gəncləri 2 fevral gənclər günü münüsibətilə təbrik etmişlər.
          2 fevral gənclər gününə həsr olunmuş tədbirdə Masallı rayon İcra hakimiyyəti başçısı aparatının məsul işçisi Nəsir Muxtarlı rayon İcra hakimiyyətinin başçısı cənab Rafil Hüseynovun salamını iştirakçılara çatdırmış, bayram günü münasibətilə gəncləri təbrik etmiş, onlara uğurlu gələcək arzulaymişdır. N.Muxtarlı qeyd edib ki, gənclər hər bir dövlətin gələcəyini, inkişafını istiqamətləndirən cəmiyyətin aparıcı qüvvəsidir. Azərbaycan dövlət quruculuğu sahəsində Masallı gənclərinində müstəsna rolu vardır. Azərbaycan gənclərinin günümüzün müasir, inkişaf etmiş, yüksək intellektli aparıcı qüvvə kimi formalaşmasında, birmənalı olaraq, dövlətimizin apardığı gənclər siyasətinin mühüm rolu olub. Bu siyasətin banisi isə xalqımızın Ümummilli lideri Heydər Əliyevdir.  
Natiq Masallıda gerçəkləşən infrastruktur layihələrin gənclərin işlə təminatında önəmli olacağını vurğulamışdır.
            Tədbirdə rayon Mədəniyyət və turizm şöbəsinin özfəailiyyət kollektivi geniş konsert proqramı ilə çıxış etmişlər.
            Tədbirin sonunda bir qrup fəal gənc Masallı rayon İcra hakimiyyətinin, YAP Masallı rayon Təşkilatının, Gənclər və İdman idarəsinin Fəxri fərmanları və qiymətli hədiyyələri ilə mükafatlandırılmışlar.