Xocalı qurbanları "Yurdu dağılacaq yurd dağıdanın" adlı pyesi ilə anılıb
26 fevral 2016-cı il tarixdə Masallı şəhər Mədəniyyət Mərkəzində Xocalı qurbanlarının xatirəsinə həsr olunmuş "Yurdu dağılacaq yurd dağıdanın" adlı tamaşa göstərilmişdir.
"Yurdu dağılacaq yurd dağıdanın" ədəbi-bədii kompozisiya Masallı rayon İcra hakimiyyəti başçısının Xocalı soyqırımı ilə bağlı təsdiq etdiyi tədbirlər planına uyğun olaraq rayon Xalq Teatrı aktyorlarının ifasında tamaşaçılara təqdim olunmuşdur.
Ədəbi-bədii kompozisiyanın müəllifi tanınmış yazıçı, Azərbaycan Yazıçılar Birliyinin üzvü Nurəddin Ədiloğlu, quruluşçu rejissoru Masallı Xalq teatrının aktyoru Cəmaləddi Əliyevdir. Rolları Aybəniz Həsənova, Fəxriyyə Mirverdiqızı, Qardaşəli Bədəlov, Rövşən Muxtarlı, Ruhil Alıkişiyev, Elmira Ağazadə, Məhəmməd Kərimli, Ziya Əhədzadə, İbrahim İbrahimov ifa etmişlər.
