Masallıda “Şahinlər” hərbi-idman oyunu üzrə rayon birinciliyi

     01 mart 2016-cı il tarixdə Masallı  rayon Gənclər və İdman idarəsinin təşkilatçılığı ilə Masallı şəhər 3 saylı tam orta məktəbində Gənclərin hərbi vətənpərvərlik tərbiyəsinin gücləndirilməsində, onların fiziki hazırlıqlarının artırılmasında, həmçinin ordu sıralarına hazırlanmasında  müstəsna əhəmiyyəti olan “Şahinlər” hərbi-idman oyunu üzrə rayon birinciliyi keçirilmişdir
     Yarışın açılış mərasimində Masallı rayon Gənclər və İdman İdarəsinin rəisi Camal Manafov çıxış edərək komandaları salamlamış və “Şahinlər” hərbi - idman oyununun keçirilməsində məqsədin yeniyetmələrlə aparılan hərbi vətənpərvərlik tərbiyəsi işini daha da gücləndirmək, orta məktəb şagirdlərinin hərbi-idman oyunlarına geniş cəlb etməklə onların ordu sıralarında xidmətə hazırlığının inkişaf etdirilməsini təmin etməkdən ibarət olduğunu bildirdi.
      Sonra tədbirdə Masallı rayon vetiranlar şurasının sədri Məmmədağa Şiriyev, Təhsil şöbəsinin metod kabinetin müdiri Bəybəla Xəlilov, SHXÇ üzrə DX-nın Masallı rayon şöbəsinin məsul işçisi kapitan Vüqar Əhmədov  və başqaları çıxış edərək gənclə bu yarışda uğurlar diləmişlər.
     Rayonun orta ümumtəhsil məktəblərinin komandalarının iştirak etdiyi yarış gərgin idman mübarizəsi şəraitində keçmişdir. Yarışın əsasnaməsinə uyğun olaraq sıra hazırlığı mərhələsi keçirildikdən sonra komandalar estafet mərhələsini davam etdirmişlər.
   Yarışın yekun nəticəsinə əsasən S.Tağıyev adına 4 saylı Digah  tam orta məktəbin komandası I yerə, Qəriblər kənd tam orta məktəbinin komandası II yerə , Şəhər 3 saylı  tam orta məktəbin komandası III yerə,  Fərqləndiyinə görə isə Ə.Məmmədov adına Öncəqala kənd  tam orta məktəbin komandası və Seybətin tam orta məktəbin komandası diplomla təltif edilmişdir .
      Rayon birinciliyində qalib gələn komanda  2016-cı ilin aprel ayında Neftçala rayonunda keçiriləcək zona mərhələsində Masallı rayonunu təmsil edəcəkdir