Masallıda “Breyn Rinq” İntellektual oyunu üzrə rayon birinciliyi
10-11 mart 2016-cı il tarixlərdə Masallı şəhər Gənclər Mərkəzində Masallı rayon Gənclər və İdman İdarəsinin təşkilatçılığı ilə “Breyn rinq” intellektual oyunu üzrə 17-29 yaşlı gənclər arasında Masallı rayon birinciliyi keçirilmişdir.
Tədbirin açılış mərasimində Masallı rayon Gənclər və İdman İdarəsinin rəisi Camal Manafov çıxış edərək iştirakçıları salamlamış və ölkədə aparılan gənclər siyasətinin hədəflərini, gənclər təşkilatlarının və gənclərin bu siyasətin həyata keçirilməsində fəal iştirakını, onların hərtərəfli inkişafı üçün zəruri şəraitin yaradıldığını diqqətə çatdırıb.
İki gün davam edən bilik yarışında 120 nəfər gənc öz bilik və bacarıqlarını , intellektual səviyyələrini sınamışlar.
Gərgin və maraqlı keçən bilik yarışının ikinci günü final görüşündə 4 ən güclü intellek sahib olan komanda arasında gedən mübarizədə “Qəriblər ” komandası 1-ci, “Bing Bəng” komandası 2-ci , “Ulduzlar” komandası 3-cü yerə layiq görülüb
Rayon birinciliyində qalib gəlmiş komandalar Masallı rayon Gənclər və İdman idarəsi tərəfindən diplomla təltif olunmuşlar.
