Türkoba ərazisində Novruz şənliyi
13 mart 2016-cı il tarixdə Masallı rayonu Türkoba ərazisində Novruz şənliyi təntənəli şəkildə qeyd edildi.
Tədbiri Masallı rayon İcra hakimiyyəti başçısının Türkoba kənd inzibati ərazi dairəsi üzrə nümayəndəsi Leyla Əzizova açaraq ərazinin butun sakinlərini və Azərbaycan xalqını Novruz bayramı münasibəti ilə təbrik etdi.
Tədbirdə çıxış edənlərdən Türkoba kənd inzibati ərazi dairəsi üzrə nümayəndənin müavini Əfqan İbrahimov, Türkoba kənd tam orta məktəbinin gənc müəllimi Günay Mehrəliyeva, Türkoba kənd tam orta məktəbin direktoru Əfsər Nuriyev və başqaları Milli bayramın yayılmasında və milli adət ənənələrimizin qorunub saxlanılmasında xüsusi xidmətləri olan Azərbaycanın birinci xanımı Mehriban xanım Əliyevanı kənd əhalisi adından Novruz bayramı münasibəti ilə təbrik etdilər.
Tədbirin sonunda Novruz bayramına aid şerlər, şən mahnılar, kosa və keçəlin oyunbazlıqları tonqal ətrafına yığışan şənlik iştirakçılarında xoş əhval yaratdı.
