Boradigah qəsəbəsində Novruz şənliyi

16 mart 2016-cı il tarixdə Masallı rayonun Boradıgah qəsəbəsində Novruz şənliyi keçirilmişdir.
Tədbiri Masallı rayon İcra hakimiyyəti başçısının Boradigah qəsəbə inzibati ərazi dairəsi üzrə nümayəndəsi Ələkbər Cəfərov açaraq şənlik iştirakçılarını Novruz bayramı münasibəti ilə təbrik etdi və rayon İcra hakimiyyəti başçısının təbrikini tədbir iştirakçılarına çatdırdı.
Dədə Qorqud, Keçəl, Kosa və Bahar qızın meydana gəlişi ilə başlayan bayram tədbirində Novruz tonqalı qalandı.
Şənlikdə çıxış edən kənd ağsaqqallarından Balağa Hacıyev, Zakir Tahirov, ziyalılardan Azər Mirzəyev, Nərgiz Məmmədova qəsəbə sakinlərindən Elvin Abdulzadə, Bahar Axundova Novruzun adət və ənənələrindən bəhs edərək baharın gəlişinin xalqımız üçün təntənə olduğunu qeyd etdilər və ərazi sakinlərini Novruz bayramı münasibəti ilə səmimi qəlbdən təbrik etdilər və Azərbaycan Respublikasının Prezidenti cənab İlham Əliyevə minnətadlıq ifadə etdilər.
Masallının və qəsəbənin bu günkü tərəqqisindən söz açan şənlik iştirakçıları  Azərbaycan müstəqillik əldə etdikdən sonra mühüm nailiyyətlərə imza atıldığını qeyd etdilər və milli mənəvi dəyərlərimizin qorunması, tədqiqi və tətbiqi istiqamətində uğurlar əldə olunduğunu bildirərək Heydər Əliyev Fondunun prezidenti, UNESCO və İSESCO-nun xoşməramlı səfiri Mehriban xanım Əliyevanın xüsusi xidmətləri sayəsində Novruz milli-mədəni irs siyahısına yazıldığını tədbir iştirakçılarının nəzərinə çatdırdılar.
Tədbir məktəblilərin rəqs və milli adət ənənələri özündə əks etdirən müxtəlif oyunlarlar ilə başa çatdı.