Masallıda “Qələbəyə doğru” kuboku uğrunda bilik yarışı

06 aprel 2016-cı il tarixdə Masallı şəhər Gənclər Mərkəzində Lənkəran, Masallı, Astara, Yardımlı, Lerik, Salyan, Neftçala, Cəlilabad və Biləsuvar rayonlarını təmsil edən komandaların regional seçim turu keçirilmişdir.
Tədbir Azərbaycanın əməkdar elm xadimi, tibb elmləri doktoru, akademik, oftalmoloq alim Zərifə xanım Əliyevanın 93-cü ildönümünə həsr edilmişdir.
Respublika Ailə, Qadın və Uşaq Problemləri üzrə Dövlət Komitəsinin təşkilatçılığı ilə respublika məktəbliləri arasında intellektual yarışı keçirlir və yarışın əsas məqsədi dünyagörüşü və intellekt səviyyəsi yüksək olan şagirdləri (IX-XI sinif ) aşkar etməkdir.
Yarış öncəsi son günlər cəbhə xəttində həlak olan şəhidlərin ruhu bir dəqiqəlik sükutla yad edildi. Komitənin əməkdaşları Pərviz Əliyev, Fərid Əliyev və Ramin Fərəcov iştirakçıları yarışın şərtləri haqqında məlumatlandırdı, tədbirin mahiyyəti barədə açıqlama verdilər.
Tədbir Zərifə xanım Əliyevanın xatirəsinə həsr olunmuş “Nur dolu ömür” adlı filmin nümayişi ilə başladı. İki tur ərzində 25 sual səsləndi. 14 xalla birinciliyi əldə edən Biləsuvar məktəbliləri “Qələbə doğru” kuboku uğrunda mübarizəni davam etdirmək hüququnu qazandılar.
Qeyd edək ki, final mərhələsi görkəmli oftalmoloq Z.Əliyevanın doğum günündə aprel ayının 28-də Bakı şəhərində keçiriləcək.