Masallıda “Qarabağ bizimdir, bizim olacaq” adlı tədbir
07 aprel 2016-cı il tarixdə Masallı şəhər Heydər Əliyev Mərkəzində “Qarabağ bizimdir, bizim olacaq” adlı tədbir keçirilmişdir.
İlk öncə tədbir iştirakçıları Ulu öndər Heydər Əliyevin abidəsi önünə tər gül dəstələri düzərək xatirəsini ehtiramla yad etdilər və Azərbaycan Respublikasının dövlət himni səsləndirildi.
Sonra Masallı şəhər Heydər Əliyev Mərkəzinin direktoru Dilbər İbayeva hərbi vətənpərvərlik mövzusunda çıxış edərək, Azərbaycan ordusunun rəşadətindən, xalqımızın həmrəyliyindən bəhs etdi.
Tədbirdə çıxış edən Masallı Dövlət Regional Kollecinin direktoru Vidadi Nəzərov əsgərlərin şücaəti və qəhrəmanlığı ilə qürur duyduğunu bildirmiş, Şəhid olanlara Allahdan rəhmət diləmişdir.
Tədbir “Qarabağ bizimdir, bizim olacaq”, ”Şəhidlər ölməz, Vətən bölünməz” şüarları və Əsgər marşı sədaları altında yürüşlə yekunlaşmışdır.
