Masallıda Cüdo idman növü üzrə rayon birinciliyi

10-11 aprel   2016-cı il tarixlərdə  Masallı şəhər 2 saylı tam orta məktəbin idman zalında Masallı rayon Gənclər və İdman İdarəsinin və Yeni Azərbaycan Partiyası Masallı rayon təşkilatının  birgə təşkilatçılığı ilə  Ümummilli lider Heydər Əliyevin anadan olmasının 93-cü ildönümünə həsr olunmuş Cüdo idman növü  üzrə  kiçik yaşlı uşaqlar, yeniyetmə və gənclər arasında rayon birinciliyi keçirilmişdir.
               Yarışın əsas məqsədi Ümummilli lider Heydər Əliyevin  xatirəsini əziz tutmaq. rayonda Cüdo idman növünə olan marağı daha da artırmaq idmançılarda hərbi vətənpərvərlik ruhunu yüksəltmək və vətənə məhəbbət hissinin gücləndirilməsi olmuşdur.
Yarışın açılış mərasimində  Masallı rayon Gənclər və İdman İdarəsinin rəisi Camal Manafov, Yeni Azərbaycan Partiyası Masallı rayon təşkilatının sədri Seyfəddin Əliyev çıxış edərək son günlərdə ölkəmizdə baş verən qanlı döyüşlərdən və ordumuzun düşmənə layiqli cavab verərək torpaqlarımızın bir neçə yüksəyliyinin geri qaytardığından danışmışlar və bildirmişlər ki, Ulu öndər Heydər Əliyevin siyasi kursunun layiqli davamçısı cənab Prezident Ali baş komandan İlham Əliyevin başçılığı altında torpaqlarımız yaxın zamanlarda geri qaytarılacaq, bu vaxt uzaqda deyil. 
Sonra 11 çəki dərəcəsində 75 nəfər kiçik yaşlı uşaqlar , yeniyetmə və gənc  idmançıların iştrakı ilə keçirilən Yarış olduqca gərgin və mübarizə şəraitində keçirilmişdir.
İki gün davam edən yarışda qalib gəlmiş idmançılar Masallı rayon Gənclər və İdman İdarəsi və Yeni Azərbaycan Partiyası Masallı rayon təşkilatı  tərəfindən diplom, medal və qiymətli hədiyyələrlə mükafatlandırılmışlar.