Masallıda Kyokushinkay karate idman növü üzrə rayon birinciliyi
24-25 aprel 2016-cı il tarixlərdə Masallı rayon Gənclər və İdman İdarəsinin təşkilatçılığı ilə Masallı şəhər 3 saylı tam orta məktəbin idman zalında Ümummilli lider Heydər Əliyevin anadan olmasının 93-cü ildönümünə həsr olunmuş kiçik yaşlı uşaqlar , yeniyetmə və gənclər arasında Kyokushinkay karate idman növü üzrə rayon birinciliyi keçirilmişdir.
10 çəki dərəcəsində 85 nəfər kiçik yaşlı uşaqlar, yeniyetmə və gənc karateçilərin iştrakı ilə keçirilən yarışın məqsədi Ümummilli Lider Heydər Əliyevin xatirəsini əziz tutmaq, rayonda Kyokushinkay karate idman növünü inkişaf etdirmək, perspektivli idmançıları aşkar etmək olub. Olduqca gərgin və dramatik mübarizə şəraitində keçirilən yarışda qalib gəlmiş idmançılar Masallı rayon Gənclər və İdman İdarəsi tərəfində diplomlarla mükafatlandırılmışdır
