Xırmandalı kəndində yaralı əsgər Mansur Quliyevlə görüş

04 may 2016-cı il tarixdə Masallı rayon İcra hakimiyyətinin başçsı, Səfərbərlik və Hərbi Xidmətə Çağırış üzrə Dövlət Xidmətinin Masallı rayon şöbəsinin rəisi, Masallı rayon Mərkəzi Xəstəxanasının baş həkimi və ictimaiyyət nümayəndələri cəbhənin Tərtər rayonu istiqamətində gedən döyüşlərdə yaralanan əsgər Mansur Quliyevin evində ona baş çəkmişlər.
Əsgər M. Quliyev 05 dekabr 1993-cü ildə Masallı rayonu Xırmandalı kəndində anadan olmuşdur. O, 2011-ci ildə  orta məktəbi birtirərək həmin il Azərbaycan Memarlıq və İnşaat Universitetinə qəbul olmuş və 2015-ci ildə həmin ali təhsil müəsissəsini bitirmişdir. 2015-ci ilin iyul ayında Masallı rayon hərbi komissarlığından həqiqi hərbi xidmətə çağırılmış, aprelin 1-dən 2-nə keçən gecə cəbhənin təmas xəttində gedən gərgin döyüşlər zamanı böyük sücaət göstərmiş və yaralanmışdır.
Onları səmimi qarşilayan igid əsgər Mansur Quliyev və valideynləri oğullarının mübarizliyindən fəxrlə söhbət açmışlar. Əgər lazım gələrsə Vətən torpağını övladları kimi qorumağa hər an hazır olduğunu bildirmişlər.
Rayon rəhbəri görüş zamanı bir daha qeyd etdi ki, Azərbaycan Respublikasının Prezidenti, Ali Baş Komandan İlham Əliyev cənablarının rəhbərliyi ilə ordumuz nəinki ermənilərin təxribatını dayandırmış, həmçinin uzun zaman düşmən tapdağında olan torpaqlarımızın azad olunmasında qəhrəmanlıq göstərmiş, düşmənin xeyli hərbi texnikasını, canlı qüvvəsini məhv etmişdir. Natiq bildirmişdir ki, Döyüşlərdə 1995-ci ildə Kalinovka kəndində anadan olmuş Şəhid Nurlan Əsgərov və 1996-cı il təvəllüdlü Güllütəpə sakini şəhid  Firdovsi Bağırzadə də vardır. Allah şəhidlərimizi rəhmət eləsin.
Yaralananlar arasında M. Quliyevlə bərabər Ərkivan qəsəbəsindən olan Şamxal Orucov və Nəzəroba kəndindən olan Pərvin Fətullayev də vardır.
Görüşdən məmnun olduğunu deyən əsgərimiz Mansur Quliyev bundan sonra da Vətən torpağı uğrunda  mübarizəyə hazır olduğunu dilə gətirdi.
Görüşün sonunda xatirə şəkilləri çəkildi.