Masallıda “Heydər Əliyev məktəblilərin gözü ilə” mövzusunda “İnşa- yazı” müsabiqəsi

04 may 2016-cı il tarixdə Masallı rayon Gənclər və İdman İdarəsi və Təhsil şöbəsinin birgə təşkilatçılığı ilə  Gənclər Mərkəzində  Masallı rayon ümumtəhsil məktəbləri arasında  ümummulli lider Heydər Əliyevin anadan olmasının 93-cü ildönümünə həsr olunmuş  “ Heydər Əliyev məktəblilərin gözü ilə ” mövzusunda İnşa-yazı” müsabiqəsi keçirilmişdir.
            Tədbirin açılış mərasimində Masallı rayon Gənclər və İdman İdarəsinin rəisi Camal Manafov çıxış edərək iştirakçıları salamlamış və bildirmişdir ki, müsabiqənin keçirilməsində məqsəd ümummilli lider Heydər Əliyevin xatirəsini əziz tutmaq, məktəblilərdə vətənpərvərlik, Vətənə məhəbbət hislərinin yüksəldilməsi, vətəndaşlıq hislərinin aşılanması və istedadlı şagirdlərin üzə çıxarılmasından ibarət olduğunu diqqətə çatdırdı.
  Sonda münsiflər heyəti tərəfindən qaliblər müəyyən edilib. İnşa-yazı müsabiqəsində C.Cabbarlı adına Ərkivan qəsəbə 1 saylı tam orta məktəbinin IX sinif  şagirdi Əliyeva Arzu Çinar qızı birinci yerə, Z.Nəcəfov adəna Ərkivan qəsəbə 2 saylı   tam orta məktəbinin X sinif şagirdi Talıbova Aytac Ziya  qızı ikinci yerə, , Çaxırlı kənd  tam orta məktəbinin IX sinif şagirdi  Qardaşbəylı Zamin Müşfiq oğlu üçüncü  yerə layiq görülmüşlər . Fərqləndiyinə görə isə R.Əlihəsənov adına Şəhər 1 saylı tam orta məktəbin XI sinif şagirdi Həsənzadə Şəbinəm Zakir qızı, Böyük Xocavar kənd tam orta məktəbin XI sinif şagirdi Qəzənfərov Elmar Seymur oğlu, “Dəfinə” məktəb-liseyinin şagirdi Səmədova Nailə Valeh qızı,F.Xancanov adına Musaküçə kəndə tam orta məktəbinin şagirdi Həsənzadə Gülşən ,Şəhər 3 sylı tam orta məktəbin VIII sinif şagirdi Şükürlü Nübar Çingiz qızı diplomla mükafatlandırılmışdır..
         Müsabiqədə  qalib gəlmiş  bütün  şagirdlər Rayon  Gənclər və İdman idarəsi tərəfindən  diplomla təltif olunmuşlar.