Masallıda “Rəsm” və “Şer” müsabiqələri

06 may 2016-cı il tarixdə Masallı şəhər Gənclər Mərkəzində Masallı rayon Gənclər və İdman İdarəsi, rayon Təhsil şöbəsinin və rayon Mədəniyyət və Turizm şöbəsinin birgə təşkilatçılığı ilə Masallı rayon orta ümumtəhsil məktəbləri arasında  Ümummilli lider Heydər Əliyevin anadan olmasının 93-cü ildönümünə həsr edilmiş  “Rəsm” və “Şer” müsabiqələri keçirilmişdir.
       Öncə tədbir iştirakçıları Heydər Əliyev Parkında  Ümummilli lider Heydər Əliyevin abidəsi önünə gül dəstələri qoyaraq xatirəsini ehtiramla yad etdilər.
     Tədbirin açlış mərasimində Masallı rayon Gənclər və İdman İdarəsinin rəisi Camal Manafov, Rayon Təhsil şöbəsinin metodistləri Əyyar Burhanov Münəvvər Əzimova, Rayon rəsm qalareyasının direktoru Tofiq Fərəcov, S.Tağıyev adına 4 saylı Digah tam orta məktəbinin müəllimi Qəni Qəniyev çıxış edərək bildirmişlər ki, müsabiqənin keçirilməsində məqsəd ümummilli lider Heydər Əliyevin xatirəsini əziz tutmaq, məktəblilərdə ümummilli lider Heydər Əliyevin zəngin həyat və fəaliyyətini təbliğ etmək eləcə də  vətənə məhəbbət hislərinin yüksəldilməsi, vətəndaşlıq hislərinin aşılanması və istedadlı şagirdlərin üzə çıxarılmasından ibarət olduğunu diqqətə çatdırmışlar.
  Sonda münsiflər heyəti tərəfindən qaliblər müəyyən edilib. Rəsm müsabiqəsində “Dəfinə” məktəb-liseyinin şagirdi Əliyev Rəvan  Vüqar oğlu birinci yerə, F.Xancanov adına Müsaküçə kənd tam orta məktəbin şagirdi Şahverdiyeva Hafisə Hüseyn qızı ikinci yerə, C.Cabbarlı adına Ərkivan qəsəbə 1 saylı tam orta məktəbin şagirdi Fəttayeva İradə Valeh qızı üçüncü yerlərə layiq görülüblər. Fərqləndiyinə görə  Yolağac kənd tam orta məktəbinin şagirdi Qurbanov Kərim Əhmədağa oğlu diplomla mükafatlandırılıb.
“Şer” müsabiqəsində isə Ə.Bağırıv adına Ərkivan 4 saylı tam orta məktəbinin şagirdləri Məmmədov Mükayıl Cəbrayıl oğlu, Orucova Sürayə İsaq qızı,Kazımova Lalə Yasər qızı, Mükayılova Mələk birinci yerə, “Dəfinə” məktəb-liseyinin şagirdi Şahverdiyev Nurlan Məfkur oğlu ikinci yerə, S.Tağıyev adına 4 saylı Digah tam orta məktəbinin şagirdi Soltanlı Nəzrin Mahir qızı, III yerə layiq görülüb . Fərqləndiyinə görə F.Xancanov adına Musaküçə kənd tam orta məktəbin şagirdləri Rəhimova Məleykə Zamin qızı, Ağazadə Xəyalə Fariz qızı diplomlarla mükafatlandırılıb.
         Müsabiqədə qalib gəlmiş bütün şagirdlər rayon Gənclər və İdman idarəsi tərəfindən diplomla təltif olunmuşlar.