Masallıda yeniyetmə və gənclər arasında “İntellekt” bilik yarışı

11-12 may  2016-cı il tarixlərdə Masallı şəhər Gənclər Mərkəzində Masallı rayon Gənclər və İdman İdarəsi və rayon Təhsil şöbəsinin birgə təşkilatçılığı ilə yeniyetmə və gənclər  arasında   “İntellekt” bilik yarışı üzrə rayon  birinciliyi keçirilmişdir.
       Tədbirin açılış mərasimində Masallı rayon Gənclər və İdman İdarəsinin rəisi Camal Manafov  çıxış edərək iştirakçıları salamlamış və cənab Prezident İlham Əliyevin gənc nəslə xüsusi diqqət yetirdiyindən, onlara hər bir sahədə göstərilən diqqət və  qayğıdan həmçinin respublikada dövlət gənclər siyasətinin uğurlu inkişafından danışmış, tədbirin məqsəd və vəzifələri haqqında məlumat vermişdir. “İntellek” oyununun keçirilməsində əsas məqsədin gənclərin intellektual səviyyəsini, dünyagörüşünü, zehni inkişafını stimullaşdırmaq, onlar arasında bilik və elmin nüfuzunu artırmaq, Azərbaycanın zəngin milli mədəniyyətinin və tarixinin təbliği eləcə də gənclərin asudə vaxtlarının səmərəli təşkili istiqamətində yeni üsullar tətbiq etməkdən ibarət olduğu bildirilmişdir.
Olduqca gərgin və maraqlı keçən İntellektual bilik yarışın yekununda S.Hacıyev adına Kalinovka  kənd  tam orta məktəbin komandası I yerə, Q.İsmayılov adına Şərəfə kənd tam orta məktəbinin komandası  II yerə,  Güllütəpə kənd tam orta məktəbin komandası  III yerlərə layiq görülmüşlər.
Fəallığına  görə isə  C.Kazımov adına Qodman kənd tam orta məktəbin komandası diplomla təltif edilmişdir.
         Rayon  birinciliyində  qalib gəlmiş  bütün  komandalar  Rayon  Gənclər və İdman idarəsi tərəfindən  diplomla təltif olunmuşlar.