Masallıda cüdo idman növü üzrə regional birinciliyin açılış mərasimi keçirilib.

01-03 noyabr 2016-cı il tarixlərdə Azərbaycan Respublikasının Cüdo federasiyasının təşkilatçılığı ilə Masallı Olimpiya Kompleksində 2003-2004 və  2000-2002-ci il təvəllüdlü yeniyetmələr arasında cüdo idman növü üzrə regional birinciliyin açılış mərasimi  keçirilib.
Tədbiri giriş sözü ilə  Masallı rayon Gənclər və İdman İdarəsinin rəisi Camal Manafov açaraq qonaqları salamlamış və  Azərbaycanda idmana göstərilən dövlət qayğısından danışıb, bu mötəbər yarışın rayonumuzda  təşkilindən məmnunluğunu bildirib.
Sonra tədbirdə Masallı rayon İcra hakimiyyətinin məsul işçisi Nazim Muradov çıxış edərək Masallı rayon İcra hakimiyyətinin başçısı Rafil Hüseynovun adından gələn qonaqları və idmançıları salamlamış və cənab Prezident İlham Əliyevin rəhbərliyi ilə ölkəmizdə idmanın bütün növlərinin, həmçinin cüdo idman növünün  inkişafına diqqət və qayğı göstərildiyini vurğuladı.
Daha sonra tədbirdə Azərbaycan Cüdo federasiyasının məsul işçisi Sahib İsmayılov, Hakimlər komitəsinin sədri Olimpiya reytinqli hakim Fariz Hüseynov, Regionlar üzrə komitə sədri Tərlan Poladov çıxış edərək bildiriblər ki, gənclərə, onların sağlamlığına, bədən tərbiyəsinə, idmana qayğı  cənab Prezident İlham Əliyevin də fəaliyyətinin əsas istiqamətlərindən biri olduğunu vurğulayıblar.Natiqlər mərasim iştirakçılarına qələbə əzmi diləyiblər
   Üç gün davam edəcək yarışda Masallı rayonundan iki, Lənkəran , Biləsuvar, Salyan, Şirvan və İmişli rayon komandaları iştrak edir.
Yarışın yekununda qaliblərə Azərbaycan Cüdo Federasiyası tərəfindən diplom və medallar, Masallı rayon Gənclər və İdman İdarəsi tərəfindən hədiyyələrlə mükafatlandırılacaq.