MASALLI NÖVBƏTİ “ÖLKƏMİZİ TANIYAQ” TUR-AKSİYA İŞTİRAKÇILARINİ QƏBUL ETDİ
14 noyabr 2016-cı il tarixdə “Ölkəmizi tanıyaq” layihəsi çərçivəsində Daşkəsən, Samux rayonlarının və Bakı şəhərinin Yasamal, Binəqədi məktəbliləri Masallı şəhərində olmuşlar.
Aksiya iştirakçılarını qarşılayan Masallı Rayon İcra Hakimiyyətinin, rayon təhsil şöbəsinin məsul işçiləri, müəllim və ictimaiyyət nümayəndələri öncə Masallı şəhər Heydər Əliyev Parkında Ulu öndərin abidəsi önünə tər gül dəstələri düzərək xatirəsini ehtiramla yad etmişlər.
Sonra tur iştirakçıları Masallı şəhər Heydər Əliyev Mərkəzi, Uşaq-İncəsənət Məktəbi, Tarix-Diyarşünaslıq Muzeyi ilə tanış olmuş, rayonun incəsənət ustalarının ifasında konsert proqramını izləmişlər.
"Asan həyat" kompleksində olan qonaqlar "İntellektual mərkəz"də Masallı məktəblilərinin "Breyn Rinq" yarışmasını izləmiş, Kinoklub, ABAD, İncəsənət Məktəbi və Brend dükanla tanışlıqdan sonra çay süfrəsinə dəvət olunmuşlar.
Masallı Olimpiya-İdman Kompleksi, Bayraq Meydanı və Dövlət Rəmzləri Muzeyi ilə tanışlıq qonaqlarda xoş təəssürat yaratmışdır.
Ekskursiyaçılar Lənkəran şəhərinə yola salınmışlar.
