VƏTƏNPƏRVƏRLİK MÖVZUSUNDA RƏSM SƏRGİ MÜSABİQƏSİ
15 noyabr 2016-cı il tarixində Masallı “ASAN həyat” komleksində “ASAN xidmət”, Masallı Rayon İcra Hakimiyyəti və rayon təhsil şöbəsinin təşkilatçılığı ilə vətənpərvərlik mövzusunda rəsm sərgi müsabiqəsi keçirilib.
Komplesdəki Heydər Əliyev adına İncəsənət Məktəbində Masallı və ətraf rayonlardan olan 30 məktəblinin iştirakı ilə keçirilən sərgidə müxtəlif rəsm əsərləri nümayiş olunub.
Tədbirdə iştirak edən Azərbaycan Respublikası Prezidentinin yanında Vətəndaşlara Xidmət və Sosial İnnovasiyalar üzrə Dövlət Agentliyinin (ASAN) İnsan Resursları üzrə və təlim şöbəsinin müdir müavini Cahangir Hacıyev, “Dəfinə” məktəb liseyinin müəllimi, Əməkdar müəllim Əhməd Məmmədov çıxış edərək gənc rəssamlara uğurlar arzulayıblar.
Müsabiqədə 1-ci (Murad Talıbov, Cəlilabad rayonu), 2-ci (Pərvin Qədiməliyev, Masallı) və 3-cü (Aytac Həsənzadə, Lənkəran və Mirəliheydər Kazımzadə, Biləsuvar) yerləri tutmuş qaliblər sertifikat və hədiyyələrlə təltif olunublar.
Daha sonra tədbir iştirakçılarına “ASAN həyat” komleksində yerləşən kinoklubda “Əbədi ezamiyyət” filmi nümayiş olunub.
