MASALLI “ÖLKƏMİZİ TANIYAQ” TUR-AKSİYA İŞTİRAKÇILARINİ QƏBUL ETDİ

17 noyabr 2016-cı il tarixdə “Ölkəmizi tanıyaq” layihəsi çərçivəsində Yevlax, Tərtər, Şuşa, Zaqatala, Qax, Balakən, Bakının Nizami, Nərimanov və Sabunçu rayonlarının məktəbliləri Masallı şəhərində olmuşlar.
  Aksiya iştirakçılarını Masallı rayon İcra hakimiyyətinin məsul işçiləri, müəllimlər və ictimaiyyət nümayəndələri qarşılayıblar.
İlk öncə aksiya iştirakçıları Masallı şəhər Heydər Əliyev Parkında Ulu öndər Heydər Əliyevin abidəsi önünə tər gül dəstləri düzərək xatirəsini ehtiramla yad etmişlər.
Masallı şəhərindəki Heydər Əliyev Parkında məktəblilər qarşısında çıxış edən Masallı rayon İcra hakimiyyəti başçısının müavini Aybəniz Qafarova qonaqlara rayon İcra hakimiyyətinin başçısı Rafil Hüseynovun salamını çatdırıb, “Ölkəmizi tanıyaq” layihəsi çərçivəsində təşkil olunmuş tur-aksiyaların əhəmiyyətindən danışıb, cənub bölgəsinə, Masallıya səyahət edən məktəblilərə xoş arzularını bildirib.
Sonra tur iştirakçıları Masallı şəhər Heydər Əliyev Mərkəzi, Uşaq-İncəsənət Məktəbi, Tarix-Diyarşünaslıq Muzeyi ilə tanış olmuş, rayonun incəsənət ustalarının ifasında konsert proqramını izləmişlər.
"Asan həyat" kompleksində olan qonaqlar "İntellektual mərkəz"də Masallı məktəblilərinin "Breyn Rinq" yarışmasını izləmiş, Kinoklub, ABAD, İncəsənət Məktəbi və Brend dükanla tanışlıqdan sonra çay süfrəsinə dəvət olunmuşlar.
Masallı Olimpiya-İdman Kompleksi, Bayraq Meydanı və Dövlət Rəmzləri Muzeyi ilə tanışlıq qonaqlarda xoş təəssürat yaratmışdır.
Ekskursiyaçılar Lənkəran şəhərinə yola salınmışlar.