Masallıda “İntellekt” intellektual bilik yarışı

23 noyabr 2016-cı il tarixdə Masallı şəhər Gənclər Mərkəzində Masallı rayon Gənclər və İdman İdarəsinin və Təhsil şöbəsinin birgə təşkilatçılığı ilə yeniyetmə və gənclər arasında  “İntellekt” intellektual  bilik yarışı üzrə rayon  birinciliyi keçirilmişdir.
       Tədbirin açılış mərasimində rayon Gənclər və İdman İdarəsinin rəisi Camal Manafov çıxış edərək iştirakçıları salamlamış və cənab Prezident İlham Əliyevin gənc nəslə xüsusi diqqət yetirdiyindən, onlara hər bir sahədə göstərilən diqqət və  qayğıdan həmçinin respublikada dövlət gənclər siyasətinin uğurlu inkişafından danışmış,tədbirin məqsəd və vəzifələri haqqında məlumat vermişdir.“İntellek” oyununun keçirilməsində əsas məqsədin gənclərin intellektual səviyyəsini, dünyagörüşünü, zehni inkişafını stimullaşdırmaq, onlar arasında bilik və elmin nüfuzunu artırmaq, Azərbaycanın zəngin milli mədəniyyətinin və tarixinin təbliği eləcə də gənclərin asudə vaxtlarının səmərəli təşkili istiqamətində yeni üsullar tətbiq etməkdən ibarət olduğu bildirilmişdir.
Gərgin və maraqlı mübarizə şəraitində keçirilən İntellektual bilik yarışında intellekt sahibləri öz intellek səviyyələrini sınamışlar. Yekununda Ərkivan qəsəbə 3 saylı tam orta məktəbin komandası I yerə, N.Əbilov adına Kəlbəhüseynli  kənd tam orta məktəbinin komandası  II yerə, Kosakül kənd tam orta məktəbinin  komandası  III yerlərə layiq görülmüşlər.
         Rayon  birinciliyində  qalib gəlmiş  bütün  komanda   üzvləri  rayon  Gənclər və İdman idarəsi tərəfindən diplomla təltif olunmuşlar.