Masallıda “Məntiq” İntellektual oyunu üzrə rayon birinciliyi
30 noyabr 2016-cı il tarixində Masallı şəhər Gənclər Mərkəzində Masallı rayon Gənclər və İdman İdarəsinin və Təhsil şıbəsinin birgə təşkilatçılığı ilə Masallı rayon orta məktəblərinin IX sinif şagirdləri arasında “Məntiq” intellektual oyunu üzrə Masallı rayon birinciliyi keçirilib
Tədbirin açılış mərasimində rayon Gənclər və İdman İdarəsinin rəisi Camal Manafov çıxış edərək iştirakçıları salamlamış və ölkədə aparılan gənclər siyasətinin hədəflərini, gənclər təşkilatlarının və gənclərin bu siyasətin həyata keçirilməsində fəal iştirakını, onların hərtərəfli inkişafı üçün zəruri şəraitin yaradıldığını diqqətə çatdırıb.
Maraqlı mübarizə şəraitində keçən “Məntiq” bilik yarışının yekununda Qızılavar kənd ümumi orta məktəbin komandası I yerə, Q.Babayev adına Mahmudavar kənd ümumi orta məktəbinin komandası II yerə, Ərkivan qəsəbə 5 saylı ümumi orta məktəbinin komandası III yerlərə layiq görülmüşlər.
Rayon birinciliyində qalib gəlmiş bütün komanda üzvləri Rayon Gənclər və İdman idarəsi tərəfindən diplomla təltif olunmuşlar.
