Banbaşı hesabat
06 yanvar 2017-ci il tarixdə Banbaşı ərazisində Masallı rayon İcra hakimiyyəti başçısının Banbaşı kənd inzibati ərazi dairəsi üzrə nümayəndəsi Hörmət Balakişiyevin hesabat yığıncağı keçirilmişdir.
Hesabat yığıncağında məruzə ilə çıxış edən H. Balakişiyev qyed etmişdir ki, Banbaşı ərazisi 3 kəndi - Banbaşı , Böyük Xocavar və Binə Xocavar kəndlərini əhatə edir. Ərazidə 6487 nəfər əhali yaşayır, 1826 təsərrüfat olmaqla 1280 yaşayış evi vardır. Ərazinin ümumi sahəsi 837 hektardır.
Banbaşı ərazi nümayəndəliyi öz işini Azərbaycan Respublikası Prezidentinin 06 iyun 2012-ci il tarixli 648 nömrəli fərmanı ilə təsdiq edilmiş “Yerli İcra hakimiyyətləri haqqında” Əsasnaməyə əsasən qurmuşdur.
Əsasnaməyə əsasən illik və rüblük iş planları təsdiq edilmiş , nümayəndəliyin fəaliyyəti bu iş planları əsasında həyata keçirilmişdir.
Təsdiq edilmiş iş planlarına uyğun olaraq nümayəndəlikdə səlahiyyətləri çərçivəsində 60 sərəncam verilmiş və icrasına nəzarət edilmişdir. Sərəncamlar ərazi nümayəndəliyinin işinin təşkili,ərazinin sosial-iqtisadi inkişafı , “ Yerli İcra Hakimiyyyətləri haqqında” Əsasnamədən irəli gələn vəzifələr, kargüzarlıq işlərinin aparılması, “Ailə Məcəlləsi” nə əməl edilməsi , qanunsuz tikintilərin və torpaqların zəbt olunmasının , azyaşlı qızların erkən ailə həyatı qurmasının qarşısının alınması , vətəndaşların müraciətlərinə baxılması işi ,gənclərin həqiqi hərbi xidmətə çağırışı və s. haqqında olmuşdur. Xüsusilə əhalini narahat edən məsələlərlə bağlı verilmiş sərəncamların icrası diqqət mərkəzində olmuşdur.
Tarixi gün və bayramların keçirilməsi üçün tədbirlər planı hazırlanmış və icrası təmin edilmişdir. Ulu öndərimiz H.Əliyevin 93 illiyi ərazimizin bütün yaşayış məntəqələrində təntənəli şəkildə qeyd edilmiş, ərazidən olan nümayəndələrin H.Əliyevin abidəsinin ziyarəti təşkil edilmişdir.
Ərazi dairəsində “20 yanvar” hüzn günü, “Xocalı faciəsi”, “31 mart azərbaycanlıların soyqırımı günü” qeyd edilmiş, faciə qurbanlarının əziz xatirəsi ehtiramla yad edilmiş, şəhid məzarları ziyarət edilmişdir.
Bu il də 20 yanvar “Ümumxalq hüzn günü”nün 27 illiyi qeyd olunacaqdır. Rayonumuzda və ərazimizdə tədbirlər Azərbaycan Respublikası Prezidenti Administrasiyasının təsdiq etdiyi “ Tədbirlər planı” əsasında keçiriləcək , xalq şəhidlərinə öz ehtiramını hər il olduğu kimi layiqincə göstərəcəkdir.
Azərbaycan Respublikasının müstəqilliyinin bərpasının 24-ci ildönümü , digər dövlət bayramları və əlamətdar günlər ərazimizdə təntənəli qeyd edilmiş, ərazidən olan nümayəndələrin rayon tədbirlərində iştirakı təmin edilmişdir.
Ərazi nümayəndəliyi üzrə 10 əmr verilmişdir. Əmrlər nümayəndəlik işçilərinin məzuniyyətə buraxılması , mükafatlandırılması ,ərazi nümayəndəliyinin maliyyə fəaliyyətinin aparılmasına aid olmuşdur.Əmrlər mövcud təlimata uyğun hazırlanmışdır.
Ərazi nümayəndəliyi təsdiq edilmiş iş planına uyğun olaraq təsərrüfatbaşına kitablarda dəqiqləşmələr aparmış ,2016-ci ilin yanvar ayına məlumatlar dəqiqləşdirilmişdir. 2016-ci ildə mütəmadi olaraq seçki siyahıları dəqiqləşdirilmiş və bütün dəyişikliklər haqqında dairə seçki komissiyasına müntəzəm məlumat verilmişdir. Təsərrüfatbaşına kitabların yazılması və məlumatların dəqiqləşdirilməsi işi Azərbaycan Respublikası Dövlət Statistika Komitəsinin 03 may 2005-ci il tarixli sərəncamı ilə təsdiq edilmiş təlimata uyğun aparılmışdır.
Ərazi nümayəndəliyinə müxtəlif idarə və təşkilatlardan 19 məktub daxil olmuş və ərazi nümayəndəliyi tərəfindən 59 məktub göndərilmişdir.” Dövlət hakimiyyəti orqanlarında , idarə, təşkilat və müəsisələrində kargüzarlığın aparılması qaydaları haqqında “ təlimata uyğun olaraq daxil olan məktublar sıra üzrə qeydə alınmış,dərkənar qoyulmuş ,araşdırılmış və müddət pozuntusu olmadan aidiyyatı təşkilatlara cavab verilmişdir. Məktublardan 2-si rəhbərlik üçün qəbul edilmiş , 17 –nə cavab verilmişdir.
Vətəndaşların vəziyyəti aktları qanunvericiliklə müəyyən edilmiş qaydada aparılmış, “Ailə Məcəlləsi”nin tələblərinə əməl edilmişdir. 2016-ci ildə ərazi nümayəndəliyində 57 doğum, 31 ölüm, 15 nigah qeydə alınmışdır. Lakin bir məsələ narahatlıq doğurur ki, bəzi vətəndaşlar doğum haqqında şəhadətnamə və ölüm haqqında şəhadətnamə almaq üçün ərazi nümayəndəliyinə gec müraciət edirlər ki, bu da müddət pozuntuluğuna gətirib çıxarır.
“ Yerli İcra hakimiyyətləri haqqında” Əsasnamənin tələblərinə uyğun olaraq nümayəndəliyin başlıca vəzifəsi vətəndaşların qəbulunun təşkili ,onların ərizə ,şikayət və təkliflərinə baxılması işi olmuşdur. Hər rübün axırında vətəndaşların müracətlərinə baxılması vəziyyəti təhlil edilmiş və bu barədə sərəncamlar verilmişdir.
Müraciətlərə “ Vətəndaş müraciətləri haqqında” Azərbaycan Respublikası Qanununa uyğun baxılmış, onlara həssaslıqla yanaşılmış, haqlı tələbləri təmin edilmişdir.
2016-ci ildə ərazi nümayəndəliyinə 35 müraciət daxil olmuş, 51 vətəndaş qəbul edilmişdir. Daxil olan müraciətlərin 29-u ərizə, 4-ü şikayyət və 2-i isə təklif olmuşdur. 29 vətəndaş ərizə ilə müraciət edərək ata-analarının təsərrüfatından ayrılmaq istədiklərini bildirmişlər. Şikayət xarakterli ərizələrdən biri rayon Elektrik Şəbəkəsinə dəfələrlə müraciət edilməsinə baxmayaraq Banbaşı həkim məntəqəsinə elektrik xəttinin bərpa edilməməsi,ikincisi vətəndaşın öz evinə qohumları tərəfindən buraxılmaması, üçüncüsü məhəlli yolun zəbt edilməsi və bu yoldan qonşuların hərəkət etmələrinə maneçilik edilməsi, dördüncüsü vətəndaşın mərhum atasından qalmış əmlakı öz adına sənədləşdirə bilməməsi barədə olmuşdur.
Müraciətlərə uyğun olaraq Banbaşı həkim məntəqəsinin elektrik xətləri bərpa edilmiş,evinə buraxılmayan vətəndaş rayon Polis şöbəsinin köməyi ilə evinə yerləşdirilmiş, zəbt olunmuş yol açılmış və qumlanmışdır. Mərhum atasının əmlakına dövlət Çıxarışı almaq istəyən vətəndaşın ilkin sənədləri hazırlanmış və Dövlət Reyestr Xidmətinə müraciət etməsi tövsiyyə edilmişdir.
Ərazi nümayəndəliyində 36 vətəndaş ərazi nümayəndəsi,15 vətəndaş isə nümayəndəliyin səlahiyyətli işçiləri tərəfindən qəbul edilmişdir. Müraciətlərdən altısı maddi yardımların göstərilməsi,üçü ailə münaqişəsi, üçü qonşu mübahisələri, dördü kanal və arxların təmizlənməsi,ikisi Ünvanlı-sosial dövlət yardımı alınması üçün köməklik göstərilməsi, altısı güclü yağışlar zamanı həyət və evləri su basması, ikisi kənd daxili yolların təmiri, biri qanunsuz qazıntılar, üçü əkin və biçin zamanı traktor və konbayınların gətirilməsinə köməklik göstərilməsi, ikisi elektrik transfarmatorlarının təmiri, üçü qırılmış elektrik xətlərinin bərpa edilməsi , üçü qazın təziqinin aşağa olması, ikisi işlə təminat, biri həyətyanı torpaq sahəsinin alınması, biri bərk məişət tulantılarının ərazidən uzaqlaşdırılması, biri pay torpağından keçən su xəttinə görə konpensasiyanın verilməməsi barədə olmuşdur.
Ərazi nümayəndəliyi vətndaşların qaldırdığı bütün məsələləri bələdiyyənin köməyi və daxili imkanlar hesabına həll etmişdir. Xüsusilə aramsız yağışların yağdığı ərəfədə həyətləri və evləri su basdığı vaxt ərazi nümayəndəliyi və bələdiyyə çevik hərəkət etmiş, ərazidə olan bütün su basmaların qarşısı alınmışdır.
Ərazi nümayəndəliyi tərəfindən enerji haqlarını ödəyə bilməyən 5 imkansız və tənha ailənin enerji haqları ödənilmiş, 2 tənha ailə öhdəliyə götürülmüşdür. Bu xeyrxah işi davam etdirməyə imkanlı adamları, dini icmanı , məhəllə komitələrini dəvət edrik.
Ərazi nümaəyndəliyinin səlahiyyətlərindən kənar məsələlər isə aidiyatı təşkilatlar qarşısında qaldırılmışdır.
Müraciətlərə “ Vətəndaş müraciətləri haqqında” Azərbaycan Respublikası Qanununa uyğun baxılmış, onlara həssaslıqla yanaşılmış, haqlı tələbləri təmin edilmişdir. Müraciət edən hər bir vətəndaşa yazılı cavab göndərilmişdir.
13 iyul 2016-cı il tarixdə Masallı RİH-nin başçısı cənab R. Hüseynov Banbaşı kəndində səyyar görüş-qəbul keçirmişdir. Görüşdə beş vətəndaş İcra hakimiyyətinin başçısına müraciət etmişdir.
Görüşdə müraciətlərin üçünə qanunamüvafiq cavab verilmişdir.
Böyük Xocavar kənd sakini Talıbov Akif Abasqulu oğlunun şəxsiyyət vəsiqəsi ala bilməməməsi ilə əlaqədar müraciəti nəzarətə götürülmüş, müvafiq tapşırıqlar verilmişdir. Hazırda vətəndaş şəxsiyyət vəsiqəsi ilə təmin edilmişdir. Banbaşı kənd sakini Əzimov Əzim Heydər oğlunun Banbaşı kəndində artezian quyusu qazılması ilə əlaqədar müraciəti təmin edilmiş və hazırda artezian quyusu qazılmışdır.
2016-cı ildə Masall RİHB-nın başçısı cənab Rafil Hüseynovun rayon İcra hakimiyyətində keçirdiyi qəbulda Banbaşı ərazisindən 11 vətəndaş olmuşdur.
Qəbulda olmuş Əzimov Samir Əzim oğlunun həyətyanı torpaq almaqla bağlı müraciəti təmin edilmiş, Əbilhəsənova Xanımnənə Məmməd qızına, Adışov Əlikiram Əlican oğluna və Nəsirova Şərqiyyə Abı qızına maddi yardım edilmiş, Böyük Xocavar kənd sakini Balakişiyeva Mərcan Gülhüseyn qızına əlillik dərəcəsi almaq üçün köməklik göstərilmişdir.Böyük Xocavar kənd sakini Bayramova Zeynab Abdulla qızının müraciəti əsasında onun ailəsinə odun verilmişdir. İşlə təmin olunmaq üçün müraciət edən vətəndaşların, işlə təmin edilməsindən ötrü rayon Məşğulluq idarəsinə tapşırıq verilmişdir. Banbaşı kənd sakini Əzizov Bahaddin Calal oğlu rayon İcra hakimiyyəti başçısının qəbulunda iki dəfə olmuş, pensiya kartının oğurlanması və evinin yanından keçən arxın üzərindəqonşuları tərəfindən qanunsuz tikintilərin aparılması və bu səbəbdən əkin əkə bilməməsi barədə müraciət etmişdir.
Hesabat ilində ərazi sakinlərindən yuxarı təşkilatlara da müraciətlər daxil olmuşdur. Yuxarı təşkilatlara edilən müraciətlərin bir neçəsi təkrar xarakterli olmuşdur. Belə ki, Azərbaycan Respublikası Prezidenti administrasiyasına və Azərbaycanın birinci xanımı Mehriban xanım Əliyevaya Banbaşı kənd sakini Əbilhəsənova Xanımnənə Məmməd qızı tərəfindən iki, Əzimov Samir Əzim oğlu tərəfindən iki ,Böyük Xocavar kənd sakinləri Hüseynova Leyla Söhbət qızı tərəfindən iki , Cəfərova Xuraman Ələsgər qızı tərəfindən üç müraciət edilmişdir. Yuxarı təşkilatlara göndərilən müraciətlər xəstə uşaqların müalicə edilməsi və maddi yardım göstərilməsi ilə bağlı olmuşdur. Binə Xocavar kənd sakini Dadaşov Ülvi Əsədulla oğlu Bakı şəhərində mənzillə təmin olunmaqla bağlı ölkə başçısına müraciət etmişdir.
İstər Respublika təşkilatlarına , istərsə də rayon İcra hakimiyyətinə edilən müraciətlərin böyük əksəriyyəti bu və ya digər formada yardım göstərilməsi ilə bağlı olmuşdur.
Vətəndaşların müraciətlərinə baxılması vəziyyətinin daha da yaxşılaşdırılması üçün daha çox iş görülməli ,vətəndaşlar arasında maarifləndirmə işləri aparılmalı ,bütün müraciətlərə həssaslıqla yanaşılmalıdır. Ona nail olunmalıdır ki, vətəndaşları narahat edən haqlı məsələlər yerindəcə həll olunsun.
Azyaşlı qızların erkən ailə həyatı qurmasına qarşı mübarizə ərazi nümayəndəliyinin əsas vəzifələrindən biri olmuşdur. Azyaşlı qızların erkən ailə həyatı qurması faktı cəmiyyətin bəlası olmaqla bərabər yeni qurulmuş ailəni dağıdan, gənclərimizin həyatını məhv edən əsas səbəblərdən biridir. Ərazi nümayəndəliyi bu işdə “ Ailə Məcəlləsi” ni, “Təhsil haqqında” qanunu, Masallı RİH-nın başçısı cənab R.Hüseynovun imzası ilə təsdiq edilmiş tədbirlər planını rəhbər tutaraq əhali arasında maarifləndirmə işləri aparmışdır. Hesabat ilində azyaşlı qızların erkən ailə həyatı quması ilə bağlı 2 faktla əlaqədar rayon İcra hakimiyyətinə və rayon polis şöbəsinə müraciət edilmiş, faktın qarşısı alınmışdır. Bu işdə ziyalılar ,ağsaqqallar ,din xadimləri fəal iştirak etməli azyaşlı qızlara dini kəbinlər kəsilməməli , hamı qanun qarşısında məsuliyyət daşıdığını dərk etməlidir.
Ərazidə 3 ümumtəhsil məktəbi fəaliyyət göstərir. Məktəblərdə 1219 şagird təhsil alır ki, onların təlim-tərbiyəsi ilə 121 müəllim məşğul olur. 22 məzunumuz ali məktəblərə qəbul olunmuşdur. Banbaşı kənd tam orta məktəbinin bu sahədə qazandığı uğuru xüsusi qeyd edir, məktəbin rəhbərliyinə və pedaqoji kollektivinə təşəkürümü bildirirəm . “Təhsil haqqında” qanunun yerinə yetirilməsi, şagirdlərin dərslərə müntəzəm davam etmələri, məktəblərin maddi-texniki bazasının artırılması,cari təmir işlərinin aparılması, yanacaqla təmin edilməsi ərazi nümayəndəliyinin və bələdiyyənin daimi nəzarətində olmuş, onlara hər cür köməklik göstərilmişdir.
Şagirdlərin,xüsusən yuxarı sinifdə oxuyan qızların dərsə davamiyyətində problemlər vardır. Bəzi valideyinlər qız uşaqlarının məktəbə gəlməsinə mane olur ,onları dərsdən yayındırırlar. Məktəb direktorlarının təqdimatı əsasında valideyinlərlə görüşür, söhbətlər aparırıq. Lazım gəldikdə inzibati tədbirlər həyata keçirilir. Məktəblərdə valideyn komitəsinin işi düzgün qurulmalıdır. Vəzifəsindən asılı olmayaraq bu ciddi işdə hər bir kəs böyük məsuliyyət daşıdığını dərk etməlidir.Ziyalılar , ağsaqqallar məktəb həyatına daha çox cəlb olunmalı , belə mənfi halların qarşısını almaq üçün hamı çalışmalıdır.
Ərazidə əhaliyə göstərilən tibbi xidmətin səviyyəsinin yaxşılaşdırılması üçün tədbirlər görülür . Bir həkim ambulatoriyası, 2 feldşer-mama məntəqəsi fəaliyyət göstərir ki, bunlarda 2 həkim, 7 orta təhsilli tibb işçiləri çalışır. Uşaqlar arasında ölüm hadisəsi demək olar ki, yoxdur, yolxucu infeksion xəstəliklərə təsadüf edilməmişdir. Uşaqlar üçün təyin edilmiş peyvəndlər vaxtında aparılır. 2016-ci ildə ərazi üzrə 117 uşağa peyvənd edilmişdir.
Ərazidə fəaliyyət göstərən həkim ambulatoriyasının binası yoxdur və bu tibbi xidmətin səviyyəsinə təsir göstərir. Həkim ambulatoriyası üçün müasir tipli binanın tikintisi ərazimizdə günün ən vacib məsələlərindən biridir.
Ərazidə fəaliyyət göstərən kitabxana üçün ərazi nümayəndəliyində yeni otaqlar ayrılmış , təmir işləri aparılmış , yeni kitablar və avadanlıqlar alınmış , oxucular üçün rahat şərait yaradılmışdır. İndi Banbaşı kitabxanası rayonun ən nümunəvi kitabxanalarından biridir.
2016-ci ildə vətəndaşların həqiqi hərbi xidmətə çağırışı tamamilə yerinə yetirilmiş, ordu sıralarına 20 nəfər çağırışçı göndərilmiş, əvvəlki illərdə ordudan yayınanların çağırışa cəlb edilməsi üçün tədbirlər həyata keçirilmişdir. Ərazidə gənclərin hərbi vətənpərvərlik tərbiyəsinin artırılması ilə bağlı tədbirlər həyata keçirilir, Səfərbərlik və Çağırış üzrə Dövlət xidməti Masallı rayon şöbəsinə hər cür köməklik göstərilir. 2000-ci il təvəllüdlü gənclərin ilkin komissiyadan keçməsi təmin edilmiş , 2001-ci il təvəllüdlü gənclərin siyahısı ilkin komissiyadan keçmək üçün vaxtında təqdim edilmişdir.
Hesabat ilində gənclərin asudə vaxtlarının səmərəli keçirilməsi üçün tədbirlər təşkil edilmişdir. Ərazidaxili idman yarışları keçirilmiş şəhidlərin ,ulu öndər Heydər Əliyevin xatirəsinə ,YAP-ın 24 illiyinə həsr edilmiş turnirlərdə idmançılarımızın iştirakı təmin edilmişdir.Qeyd edək ki, Binə Xocavar kənd futbol komandası rayon turnirlərində fəal iştirak edir.
Ərazidə 1550 elektrik abonenti və təbii qazdan istifadə edən 1140 abonent vardır, 24 saat dayanıqlı enerji verilməsi təmin edilmişdir. Lakin hələ də yararsız dirəklərin olması və elektirik təsərrüfatının köhnəlməsi səbəbindən əlverişsiz hava şəraitində elektirik enerjisinin verilməsində fasilələr yaranır. Elektirik şəbəkəsinin təmir briqadasının köməyi ilə elektirik xətlərinə toxunan ağacların budanması işlərinin aparılması təşkil edilmiş, 15 ədəd yararsız elektirik dirəyi dəyişdirilmiş ,2 ədəd yanmış transformator təmir edilmişdir.
Təbii qazın verilməsində bir sıra işlər görülmüşdür, lakin son vaxtlar qazın təziqinin aşağa olması narahatlıq yaradır. Banbaşı və Böyük Xocavar kəndlərində qaz təsərrüfatının yenilənməsinə, Təzə -Alvadı qaz paylayıcı məntəqəsindən bu kəndlərə gələn əsas daşıyıcı kəmərin dəyişdirilməsinə ciddi ehtiyac vardır.
Ərazi nümayəndəliyi olaraq enerji sərfiyyatı haqlarının yığılmasını daim diqqət mərkəzində saxlayır və bu məqsədlə yaradılmış qərərgah hər cür köməklik göstərir.
Çox təəsüf ki, enerji haqlarını verməyən vətəndaşların hesabına borclar yaranır və bu da normal enerji verilməsinə əngəllər törədir. Xüsusən bu sahədə Böyük Xocavar kəndində ciddi problemlər vardır, bu nöqsanları aradan qaldırmaq üçün əhali arasında maarifləndirmə işləri gücləndirilməli ,ağsaqqalların ,bələdiyyə üzvlərinin qüvvəsindən daha səmərəli istifadə olunmalıdır.
Bildiyiniz kimi Taarif şurası tərəfindən vətəndaşlar üçün təyin edilmiş limitdən artıq sərf edilən elektrik enerjisinin və qazın qiyməti qaldırılmışdır. Aztəminatlı ailələri qiymət artımından qorumaq üçün Azərbaycan Respublikası Prezidenti cənab İlham Əliyevinsərəncamı ilə köhnə qiymətlə ödənilən enerji limitləri artırılmış, qaz üçün 1500-dən 1700 kub metrə, elektrik enerjisi üçün isə 250-dən 300 kv saata çatdırılmışdır. Bu xeyrxah adımma görə ölkə başçısına ərazimizin sakinləri adından minətdarlıq edirik.
Ərazidə əhalinin əsas məşğuliyyəti əkinçilik və heyvandarlıqdır. Dövlətimizin qayğısı nəticəsində əhalinin kənd təsərrüfatı məhsulları istehsalına marağı artır. Bunun nəticəsidir ki, ərazidə 160 hektar sahədə buğda, 20 hektar sahədə arpa, 40 hektar sahədə vələmir əkilmişdir. Bu işdə Binə Xocavar və Böyük Xocavar payçılarının fəaliyyətini xüsusi qeyd etmək istəyirəm. Kənd təsərrüfatı məhsulları istehsalının istiqmətinin dəyişdirilməsi , daha sərfəli və rayon üçün ənənəvi tərəvəz məhsulları istehsalına keçilməsi artıq günün tələbinə çevrilmişdir.
Fermerlərimiz bu məsələyə ciddi yanaşmalı , kooperativlər yardaraq təsərrüfatları genişləndirməli , rayon aqrolizinqinin imkanlarından istifadə etməlidirlər.
Ərazimizdə kənd təsərrüfatı təyinatlı sahələrin çox az olmasına baxmayaraq ,hələ də əkilməmiş pay torpaqlarımız qalır ki, bu çox böyük təəsüf doğurur. Pay torpaqlarından kənd təsərrüfatı məqsədləri üçün düzgün istifadə olunmamasına görə böyük məbləğdə cərimələr nəzərdə tutulmuşdur. Milli məclisin qəbul etdiyi yeni qanuna əsasən uzun müddət istifadə olunmayan pay torpaqları dövlətə qaytarılacaqdır.
Azərbaycan Respublikası Prezidenti cənab İlham Əliyev tərəfindən təsdiq edilmiş kənd təsərrüfatının inkşafının Strateji Yol Xəritəsinə əsasən kənd təsərrüfatı məhsullarının istehsalında və bu məhsulların istehsalı üçün göstərilən dövlət yardımlarının verilməsində rayonlaşma prinsipi əsas götürülür. Bu o deməkdirki, hər bir rayon üçün xarakterik olan kənd təsərrüfatı məhsullarının əkilməsi və inkşaf etdirilməsi nəzərdə tutulur. Masallı rayonunda çayçılığın və tərəvəzçiliyin inkşaf etdirilməsi strateji məqsəd kimi qarşıya qoyulur. Bu məqsədlə regionlarda vətəndaşlardan kənd təsərrüfatı məhsullarını tədarük edən Ərzaq Təhcizatı və Tədarükü Açıq səhimdar cəmiyyəti yaradılır ki, cənub regionunda mərkəz Masallı rayonunda yerləşir. Kənd təsərrüfatı məhsulları istehsal edən hər bir vətəndaş qabaqcadan müqavilə bağlamaqla tədarük etdiyi məhsulu bu təşkilata rahat şəkildə satmaq imkanı qazanır.
Kənd təsərrüfatı məhsulları istehsalçılarına kömək məqsədilə su aparıcı arxlar və kanallar təmizlənmiş, şumun vurulması və dənli bitkilərin yığılması zamanı ərazidə olan texnika səfərbər edilmiş, digər ərazilərdən texnikanın cəlb edilməsi üçün tədbirlər görülmüşdür. Əhaliyə dövlət vəsaiti hesabına verilən yardımlar vaxtında çatdırılmışdır.
Bununla yanaşı ərazidə sahibkarlıq fəaliyyəti də üstünlük təşkil edir. İstehsalla məşğul olan “Nəzir” kiçik müəssisəsi, “Nofəl” Maldarlıq təsərrüfatı, “Binə” İstehsal şirkəti və s. fəaliyyət göstərir.
Ərazidə 120 özəl sex, 1 yanacaqdoldurma, 1 maye qaz məntəqəsi, 4 mebel sexi, 26 satış mağazası, 1 soyuducu təmiri emalatxanası , 5 avtomovil təmiri emaltxanası , 7 bərbərxana, 4 çörək- bişirmə sexi, 1 aptek fəaliyyət göstərir ki, bunlarda 250 dən çox işçi çalışır. 2016-c ildə də 1 mağaza açılmışdır. Sahibkarların işlərinə yersiz müdaxilələrin dayandırılması , sahibkarlıq üçün daha münbit şəraitin yaradılması haqqında ölkə başçısı cənab İlham Əliyevin tapşırığından sonra sahibkarlar üçün daha geniş meydan açılmışdır.
Rayonlara verilən dotasiyaların dayandırılması və hər bir rayonun özünü maliyələşdirməsi rayonda aparılan vergi işinin daha düzgün qurulmasını tələb edir. Bütün vergi ödəyicilərindən xahişimiz odur ki, hər ayın 15-nə qədər vergi borclarını ödəsinlər. Bu işdə ərazi nümayəndəliyi və bələdiyyə öz fəaliyyətlərini günün tələblərinə uyğun qurmalıdırlar.
Ərazidə 5 məscid fəaliyyət göstərir. Banbaşı və Böyük Xocavar kənd məscidlərinin dini icmaları dövlət qeydiyyatından keçmişdir, bu məscidlərə axundlar təyin edilmişdir. 2016-ci ildə məscidlərimizin hamısı daxili imkanlar hesabına təmir olunmuşdur. Məscidlərimizin axundları və xuddamları ,eləcədə dini ayinləri icra edən hər bir kəs radikal təmayüllü cərəyanlara məxsus şəxslərin məscidlərimizə daxil olmasının qarşısını kəskinliklə almış, dövlətçiliyimizə öz sədaqətlərini göstərmişlər.
Ərazidə yerləşən qəbirastanlıqlarda da bələdiyyə tərəfindən və daxili imkanlar hesabına abadlıq, səliqə-sahman, tikinti işləri aparılmışdır..
Ərazidə 1120 pensiyaçı, 1 BVM iştirakçısı, 8 şəhid ailəsi, 2 xidməti qulluq zamanı həlak olmuş əsgər ailəsi və 4 məcburi köçkün ailəsi yaşayır. Bu ailələrə və imkansız ailələrə bütün bayramlarda ərzaq sovqatı verilmişdir. Hesabat ilində 42 ailəyə maddi yardım göstərilmişdir.
Hesabat ilində ərazidə geniş yaşıllaşdırma, ağacəkmə işləri aparılmışdır. Məktəb həyətlərində, yol kənarlarında, ictimai yerlərdə, su aparıcı kanalların ətrafında beş yüzdən çox ağac əkilmişdir. Hazırda tikilməkdə olan istirahət mərkəzi yaşıllaşdırılır.
Ərazi nümayəndəliyi yerli məsələlərin həllində Banbaşı bələdiyyəsi ilə birgə iş planı əsasında əlaqəli işləyir, əhalini narahat edən məsələləri bələdiyyə ilə birlikdə həll edir. Ərazi nümayəndəliyi və bələdiyyənin diqqətində olan məsələlərin ən önəmlisi zəbt olunmuş torpaqların azad edilməsi və qanunsuz tikintilərin qarşısının alınması, daxili yolların təmiri olmuşdur.
Bələdiyyələr birləşənə qədər zəbt olunmuş torpaqlar zəbtdən azad edilmiş və sənədləşdirilmişdir. Lakin bu sahədə ciddi işlər aparılmalıdır.Ərazi inventarizasiya edilərkən məlum olmuşdur ki, islahatlar dövründən əvvəl zəbt edilmiş və tikinti altında olan bələdiyyə torpaqları vardır. Bu torpaqlar zəbtdən azad edilməli və alqı-satqıya cəlb edilməlidir.
Hesabat ilində ərazidə qanunsuz tikintilərin aparılması və torpaqların zəbti ilə əlaqədar 3 fakt barədə rayon İcra hakimiyyətinə məlumat verilmiş, bu tikintilərin qarşısı alınmış və materiallar inzibati komissiyaya göndərilmişdir.
Ərazi nümayəndəliyi əmlak və torpaq vergilərinin yığılmasında, əmlakın qiymətləndirilməsində bələdiyyəyə yaxından köməklik göstərir.
Təbii fəlakətlər və yanğın hadisəsi nəticəsində vətəndaşların əmlakını böyük ziyan vurulur və problemlər yaradır. Fürsətdən istifadə edib nəzərinizə çatdırmaq istəyirəm ki, vətəndaşlar öz əmlakını sığorta etdirməlidirlər.
Qeyd etmək istərdim ki, vergilərin yığılması işi qənaətbəxş deyildir. Bələdiyyənin əsas gəlir mənbəyi olan vergi yığımı işində bütün bələdiyyə üzvləri,eləcədə vətəndaşlar məsuliyyəti artırmalıdırlar. Ərazidə abadlıq –quruculuq işlərinin aparılması üçün vətəndaşlar torpaq və əmlak vergilərini vaxtinda odəməlidirlər.
Ərazidə 2016-ci ildə bir sıra işlər görülmüşdür.
1. İstirahət parkının tikintisi davam etdirilmişdir.
2. Ərazidə 3 km uzunluğunda kənd arası yollar təmir edilmişdir.
3. Banbaşı- Böyük Xocavar arxının 1 km hissəsi təmir edilmişdir.
4. 2 km su aparıcı kanallar təmir edilmişdir.
5. Banbaşı kəndində yeni artezian quyusu qazılmışdır .
6. Bərk məişət tullantılarının yığılması və ərazidən uzaqlaşdırılmasından ötrü əhali ilə müqavilələr bağlanır və zibil qabları alınmışdır.
7. Ərazidə fəaliyyət göstərən məktəblər cari təmir edilmişdir.
8. Bayramlarda 42 imkansız ailəyə yardım edilmiş,
9. Ərazidə 15 ədəd yararsız elektirik dirəyi dəyişdirilmişdir.
10. Ərazidə qorunan sahələrdə yaşıllaşma işləri aparılmışdır.
11. Binə Xocavar kənd qəbristanlığı abadlaşdırılmışdır.
Ərazi nümayəndəliyi və bələdiyyə AZKL-2 layihəsi ilə işləməyə böyük əhəmiyyət verir. İndiyə qədər bu layihə əsasında ərazimizdə 10 km yol abadlaşdırılmışdır. 2016-cı ildə Binə Xocavar kənd qəbristanlığı abadlaşdırılmış və əsaslı təmir edilmişdir. AZKL-2 layhəsinin ərazimizə cəlb edilməsi üçün göstərdiyi köməyə görə hörmətli başçımız cənab Rafil Hüseynova dərin minətdarlığımızı bildiririk.
2016-cı ildə ölkəmizin siyasi həyatında əhəmiyyətli hadisə baş vermişdir, Azərbaycan Respublikası konistusiyasına dəyişikliklər edilməsi ilə bağlı Referendum keçirilmişdir. Seçki məntəqələri Referenduma tam hazırlanmış , Referendumun azad və demokratik keçirilməsi təmin edilmişdir
2017-cı il qarşımıza böyük vəzifələr qoyur. Ərazimizdə abadlıq, səliqə-sahman işləri aparmaq, əhalini narahat edən məsələləri vaxtında həll etmək, yolların təmirinə xüsusi fikir vermək, məktəblərin maddi-texniki bazasının möhkəmləndirmək, “Yerli İcra Hakimiyyəti haqqında” Əsasnamənin tələblərini ləyaqətlə yerinə yetirmək və s.
Sizi əmin edirəm ki, Banbaşı ərazi nümayəndəliyi Azərbaycan Respublikası Prezidentinin Fərman və Sərəncamlarından, Milli Məclisin qəbul etdiyi qanunlardan, Rayon İcra Hakimiyyəti Başçısının əmr, sərəncam və tapşırıqlarından və “ Yerli İcra Hakimiyyətləri haqqında” Əsasnamədən irəli gələn vəzifələrin yerinə yetirilməsindən ötrü bundan sonra da səylə çalışacaq,öhdəsinə düşən vəzifələri layiqincə yerinə yetirəcəkdir.
