YAP Masallı rayon təşkilatı yeni ərazi ilk partiya təşkilatı təsis etdi

17 fevral 2017-ci il tarixdə Masallı regional “Asan xidmət” Mərkəzində Yeni Azərbaycan Partiyası Masallı rayon təşkilatı yeni ərazi ilk partiya təşkilatının təsis edilməsi ilə əlaqədar yığıncaq keçirib.
Yığıncağı giriş sözü ilə açan Mərkəzin direktoru Vidadi Muxtarov təməli xalqımızın Ümummilli lideri Heydər Əliyev tərəfindən qoyulan Yeni Azərbaycan Partiyasının şərəfli mübarizə yolundan bəhs edib.
Təsis yığıncağında iştirak edən edən Yeni Azərbaycan Partiyası Masallı rayon təşkilatının sədri Seyfəddin Əliyev ümumilli lider Heydər Əliyevin müstəqil Azərbaycan dövlətinin qurulmasında və möhkəmləndirilməsindəki xidmətlərindən, onun ideyalarını uğurla davam etdirən möhtərəm Prezidentimiz İlham Əliyevin uğurlu daxili və xarici siyasəti nəticəsində Azərbaycan regionda lider dövlətə çevrilməsindən, Masallıda gedən quruculuq və abadlıq işlərindən, Yeni Azərbaycan Partiyasının keçdiyi şanlı tarixi yoldan, onun uğurlu fəaliyyətindən eləcə də dünyadakı siyasi nüfuzundan danışıb. Yeni Azərbaycan Partiyası ölkəmizin siyasi həyatında gərgin proseslərin getdiyi bir dövrdə yaranıb deyən rayon təşkilatının sədri Seyfəddin Əliyev daha sonra əlavə edib ki, partiyamızın Sədri, Azərbaycan Respublikasının Prezidenti cənab İlham Əliyevin də bəyan etdiyi kimi, həmin dövrdə Azərbaycan xalqı ölkəmiz üçün həlledici məqamda bir yumruq kimi Heydər Əliyevin ətrafında birləşdi və Heydər Əliyevin ideyalarına, Onun siyasətinə, Onun fəlsəfəsinə sadiqliyini bir daha göstərdi.
  Sonra təşkilatı məsələyə baxılıb YAP Nizamnamə və Proqramına uyğun uyğun olaraq “Asan həyat” ərazi ilk partiya təşkilatı yaradıldı. Təşkilatın 5 nəfərdən ibarət idarə heyəti, sədri, sədr müavini və YAP Masallı rayon təşkilatının IX konfransına nümayəndələr seçildi.