Heydər Əliyev müstəqil Azərbaycanın memarı və qürucusudur
Masallı rayon Mərkəzi Kitabxanasında rayon Ağsaqqallar Şurası və Mərkəzi Kitabxananın birgə təşkilatçılığı ilə müasir Azərbaycan dövlətçiliyinin banisi, görkəmli dövlət və siyasi xadimi Heydər Əliyevin anadan olmasının 100 illiyi ilə əlaqədar tədbir keçirilib.
Tədbirə başlamazdan öncə Ulu öndər Heydər Əliyevin və Azərbaycan Respublikasının ərazi bütövlüyü uğrunda gedən döyüşlərdə şəhid olan Vətən övladlarının xatirəsi bir dəqiqəlik sükutla yad edilib.
Tədbiri açıq elan edən kitabxananın direktor əvəzi Zamin Məmmədov böyük şəxsiyyət və dahi siyasətçi Heydər Əliyevin ölkəmizin müstəqilliyinin möhkəmləndirilməsi və dövlət quruculuğu istiqamətində tarixi xidmətlərindən danışıb.
Sonra tədbirdə çıxış edən Ağsaqallar Şurasının sədri Ələşrəf Niftiyev, şairə Meysaba Aslanova, şair Nurməmməd Ağa, YAP Masallı Rayon Təşkilatının nümayəndəsi Eldar Kazımov, “Yeni Həyat” qəzetinin məsul katibi Həsənağa Əliyev, şair Tahir Hüseynov, H.Əliyev Mərkəzinin direktor əvəzi Gülcahan Vəkilzadə, Tarix-Diyarşünaslıq Muzeyinin direktoru Əntiqə Tağıyevaulu öndər Heydər Əliyevin Vətənə, xalqa həsr etdiyi şərəfli ömür yolundan və siyasi fəaliyyətindən bəhs ediblər.
Tədbirdə şairlərdən Nurməmməd Ağa “Gənclik” şeirini, Tahir Hüseynov və Meysəba Aslanova ulu öndərə həsr olunmuş şeirlərini söyləyiblər.
Tədbirin sonunda rayon Ağsaqqallar Şurasının sədri Ələşrəf Niftiyev tədbirin təşkilinə şərait yaratdığına görə kitabxana rəhbərliyinə öz minnətdarlığını bildirib.
